MINISTERIO PUBLIKO TA INFORMA: A.M.M. TA WORDU SENTENSIA NA KASTIGU DI 5 AÑA DI PRISON PA INTENTO DI HOMISIDIO

​Info OM:

E homber A.M.M. (1996, Republika Dominikano) a keda sentensiá awe den Korte den Apelashon (3 wes, hoger beroep) na un kastigu di 5 aña prison pa un intento di homisidio. 

Dia 17 ougustus 2015 el a basha bala riba un kas riba Churchillweg/Montserratweg. El a trata na mata e homber G.H.

A.M.M. a keda sentensiá na e mesun kastigu di prison ku el a haña kaba anteriormente den Prome Instante. Ta trata di un “firstoffender” mientras ku Korte den Apelashon a tene kuenta tambe ku su edat relativamente hoben.