Orashon djabièrnè 11 di novèmber 2016
Felis t’esnan ku nan andá ta sin mancha, siguiendo lei di SEÑOR! Felis esnan ku ta warda su preseptonan i ta busk’É di kurason, Mi ta buska Bo di henter mi kurason, no laga mi desviá di bo òrdunan. Mi ta warda bo palabra den mi alma, pa mi no peka kontra Bo. Trata bo sirbiente pa mi biba i lo mi warda bo palabra. Habri mi wowo pa mi mira tur maravia di bo lei. Mi ta un peregrino riba mundu, no skonde bo mandatonan pa mi. Mustra mi e direkshon di bo dekretonan pa mi studia bo milagernan. Mi ta yora di fèrdrit, lanta mi, konforme bo promesa. Warda mi pa mi n’ kohe mal kaminda, den bo bondat duna mi bo lei. SEÑOR, mustra mi e kaminda di bo òrdunan, pa mi kan’é te na fin. Habri mi mente pa mi kumpli ku bo lei, pa mi ward’é di kurason.
Salmo 119:1-2, 10-11, 17-19, 27-29, 33-34
