KOMUNIKADO DI KUERPO POLISIAL KÒRSOU Tópiko: Skuter ta alkansá mucha.

KOMUNIKADO DI KUERPO POLISIAL KÒRSOU
no.: 390/2016.
Fecha: 13 novèmber 2016.
Tópiko: Skuter ta alkansá mucha.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

________________________________________

Djadumingu 13 di novèmber 2016, alrededor di 18.30’or Sentral di Polis a dirigí un unidat polisial na Noord Zapateer Kaya H kaminda un mucha a keda alkansá pa un skuter. Na yegada di e patruya nan a topa ku un mucha di 5 aña i edat den kamber di su kas ku múltiple sla na kabes. Ambulans ku a presentá na e sitio a transportá e víktima pa SEHOS kaminda despues di tratamentu e la keda interná den hospital. For di un investigashon preliminar ku polis a realisá na e sitio a resultá ku e víktima lo mester a kore sali for di kura di su kas nèt na momentu ku e skuter tabata pasando i e skuter a alkans’é ku e resultado ariba menshoná. Departamento di tráfiko ta kontinuá ku e investigashon.