MINISTERIO PUBLIKO TA INFORMA

​Info OM:

Ministerio Públiko (OM) ta informá detenshon e siman aki di e hòmber R.C. Ta trata di e doño di e vehíkulo ku den mardugá di dia 30 di òktober 2016 a keda usá den un intento pa trafiká droga na airopuerto i pa pone esaki riba un jet privá ku tabata stashoná riba pista di Hato. 

Den e kaso aki tabata tin na tur 5 persona será, entre otro un hòmber di Kòrsou i sobrá di Turkia i Alemania. Mientrastantu un hòmber Aleman, piloto di e avion, a rekobrá su libertat. E siman aki sinembargo a detené e hòmber R.C. E ta ser akusá di ta ko-outor (medeplegen). 

Awe a presentá R.C. dilanti un wes-komisario i mientrastantu a drenta su prolongashon di enkarselashon (verleninging inverzekeringstelling).

Aktualmente pues tin 5 persona detené, miéntras a konfiská den e kaso aki 289 kilo di kokaina, 7.000 Euro na plaka kèsh, un vehíkulo, arma di kandela, muts, hanskun i un avion privá ku ta “na kadena” na airopuerto.

This site uses Akismet to reduce spam. Learn how your comment data is processed.

error: Content is protected !!
%d bloggers like this: