KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

KONFERENSHA DI TRABOU “IMPLEMENTASHON I FORMA PA TRAHA DEN LIÑA DI KUIDO/PROTOKOL DI DIABETIS”

KONFERENSHA DI TRABOU “IMPLEMENTASHON I FORMA PA TRAHA DEN LIÑA DI KUIDO/PROTOKOL DI DIABETIS”

WILLEMSTAD — Ministerio di Salubridat, Medio Ambiente i Naturalesa a lanta un grupo di trabou ku lo mester traha riba protokòlnan den kuido diabétiko i tambe edukashon diabétiko, ku tabata resultado di un investigashon (Kon salú Kòrsou ta di 1995), kaminda a konstatá un oumento di pashèntnan ku a keda diagnostiká ku diabétis, huntu ku komplikashonnan severo, ku ta subi e gastunan den kuido. Un di e tareanan di e grupo di trabòu aki ta implementashon, vigilá i evaluá e stándart i protokòl di Diabétis.

E konferensha di trabou “Implementashon i forma pa traha den liña di kuido/protokòl di diabétis”, ta un paso importante den kuadro di preparashon di e proseso pa yega na un base mas amplio pa loke ta trata kuido i edukashon diabétiko na Kòrsou i tambe implementashon di e stándart i kuido diabétiko pa loke ta trata protokòlnan den e di dos liña.

E implementashon aki lo duna un aporte signifikativo pa loke ta trata mehorashon di e kalidat di kuido diabétiko, maneho di e kostonan ku riba tèrmino, ku lo mester yega na redukshon di esaki, pa loke ta trata kuido di salu aki na Kòrsou.

Mirando e problemátiko aki, pa di kuater biaha ta bai organisá un konferensha di trabou ku tin komo tema “Implementashon i forma pa traha den liña di kuido/protokòl di diabétis”, riba dianan 25 i 26 di novèmber awor i un tayer djaluna dia 28 di novèmber 2016.

Durante di e konferensha di trabou dianan 25 i 26 di novèmber próksimo, lo atendé e forma di implementá i traha pa loke ta trata e stándart i protokòl di Diabétis, dor di gruponan di kuido. Lo tin diferente orador tantu for di Ulanda komo Kòrsou ku lo atendé e punto aki.

Algun aspekto ku lo keda atendé, ta entre otro e faktornan di éksito riba e tereno di maneho di kuido, maneho di informashon, midi i benchmarken di indikadónan, organisá i finansiamentu di e kuido den e sektor, kolaborashonnan multidisiplinario entre gruponan di kuido, registrashon den gruponan di kuido i diagnóstikonan di laboratorio.

Djaluna dia 28 di novèmber 2016 lo tin tayernan kaminda lo trata diferente tema, kaminda lo bai mas amplio den nan. Pa sera lo bai trata na yega na un konsenso stándart di kuido i protokòl uniforme pa Kòrsou, den e diferente gruponan di kuido, ku akuerdonan di trabou i koperashon entre e dunadónan di kuido den e di dos liña di kuido. E petishon ta pa yega na un fecha kaminda e implementashon di e kuido stándart i protokòl di kuido Diabétiko ta drenta na vigor.

Entre esnan ku a keda invitá pa partisipá den e konferensha di trabou i tambe tayernan lo tin dòkternan di kas, internista, dietista, podoterapeuto, okulista, siruhano, enfermeron, dòkter di mucha, botikario, kolaboradornan di laboratorio, kompanianan di seguro di kuido i terapeutikonan di movishon.

Tur representantenan di e gruponan den kuido ta mas ku bon bini pa forma parti na e konferenshanan di trabou ku lo tuma lugá dianan 25 di novèmber (18:30 – 21:24) i 26 di novèmber (9:00 – 13:00)’ i e tayernan di dia 28 di novèmber 2016 (19:00 – 21:00) den sala Daniel na WTC. Pa mas informashon por yama Sra. Eleonora na 432-5856. Entrada ta grátis.

Akreditashon pa dòkternan di kas nr. A16.041 pa un total di 10 ora.
Akreditashon ta keda hasi pa speshalistanan.
Apliká ta posibel bia di email: armartis@yahoo.com te ku dia 24 novèmber 2016

Atentamente

Giovanni Atalita
Account Manager Communicatie
Ministerio GMN

ministerio-di-salubridat-publiko-medio-ambiente-i-naturalesa-kontakto

639114718427035"
639114718427035"