Pronóstiko di tempu pa Kòrsou i bisindario bálido te djárason mainta 06:00 o.l., 23 di novèmber 2016.
Pronóstiko
Pronóstiko di tempu pa Kòrsou i bisindario bálido te djárason mainta 06:00 o.l., 23 di novèmber 2016.
Kompilá: Djamars 22 di novèmber 2016, 05:00 o.l. (09:00 UTC)
Kódigo hel: Un aviso pa áwaseru pisa i posibel welek ku bos.
Tempu: Shelu lo ta parsialmente nublá ku algun áwaseru lokal i por tin momentu kompaña pa welek ku bos. Lokalmente áwaseru por ta moderá te pisa i esaki por kousa molèster na e lugánan di kustumber.
Temperatura máksimo lo por alkansá 30°C. i temperatura mínimo 25̊C.
Solo ta sali 06:36 i ta baha 18:07 o.l.
Bientu: For di direkshonnan varia, forsa 1 te 3 (2 te 18 km/ora, 1 te 10 nudo). Prinsipalmente durante di áwaseru, de bes en kuando moderá den ráfaga; forsa 4 (19 te 30 km/h, 11 te 16 nudo).
Situashon general: Un disturbio den bisindario di nos region durante di e próksimo 24 ora lo perkura de bes enkuando pa formashon di bastante nubia. Lokalmente e nubianan lo generá áwaseru i ku posibilidat tambe pa welek ku bos. Algun di e yobidanan por ta pisa i kousa temporalmente molèster na e lugánan di kustumber. Mas aleu un bientu suak lo sigui prevalesé.
Kondishon di laman: Por lo general trankil ku altura di olanan di ménos ku 1 meter (ménos ku 3 pia).
Sistemanan signifikante di wer tropikal: Depreshon tropikal 16 a bira tormenta tropikal Otto i ta situá banda di e kostanan di Panamá, Hondúras i Nicaragua. E sistema aki aktualmente ta stashonário i no ta un menasa pa e region di nos isla. Sinembargo Servisio Meteorologiko di Curaçao lo sigui e progreso di e sistema aki ku hopi atenshon.
Fenómeno spesial: Ningun.
Perspektiva te djaweps mainta: Parsialmente nublá ku chèns pa un áwaseru breve durante oranan di mainta.
Meteorólogo: Thomas.
E próksimo boletin di tempu lo wòrdu publiká djamars atardi 17:00 o.l. (21:00 UTC).