Dreamteam ku viktoria importante den gran final Liga CSB/MCB maskulino

curacao-softball

Dreamteam ku viktoria importante den gran final Liga CSB/MCB maskulino

Den un tremendo wega un biaha mas ajera nochi na Post 6 e equipo di dreamteam ta pika dilanti 2-0 den e serie final viniendo di atrás pa bin gana e ekipo di Harlem Power. Harlem Power ta start fuerte i ta skor 3 kareda for di prome inning. Pero después Wendley Serberie a hala mara fuerte riba montikulo i praktikamente tabatin un duelo di picheo entre Wendley Serberie i Raishel Sambo te den di 5 inning ora manager di Harlem Power a bin ku Richene Martina den relevo. Richene a hasi e trabou tambe den kabes di 5 inning i a logra saka un 0 pa mantene e wega ku skor di 3 pa 1 na favor di Harlem Power. Pero den kabes di 6 inning Richene no por a wanta e atak di dreamteam i dreamteam ta skor 6 kareda den kabes di 6 pa boltu e skor na 7 pa 3. E manager di Harlem Power a bin ku Raishel Sambo bek den wega pa wanta e wega i asina e wega a bin termina finalmente ku skor di 7 pa 3 na favor di Dreamteam. Pa Dreamteam 7 kareda 9 hit i 1 eror. Picher ganador a resulta Wendley Serberie i miho na Nurison Leonora di 2-2. Pa Harlem Power 3 kareda 6 hit i 2 eror. Picher perdedo a resulta Richene Martina i miho bate pa Harlem Power Raydel Isabella di 3-2 ku 1 homerun. Player of the game GIL’S Sport a resulta Wendley Serberie ku a bai ruta kompletu pa Dreamteam.
Djawebs 24 november ta sigi ku 2 wega di promoshon i degradashon na post 6. E prome wega ta bai entre Nos tei Curacao office Supply vs Soto CMTC i 21:00 e wega entre Vipers i Demolition Cartel nv.
Djabierne 25 november lo kontinua ku e wega no 3 di e serie di gran final Femenino entre Pichingolo Nissan vs Eagles Softex ku Pichingolo dilanti den e serie 2-0, 1 viktoria pa Pichingolo djabierne awor ta nifika ku nan ta kampion. I pa 21:00 e wega no 3 di e serie gran final maskulino entre Dreamteam vs Harlem Power ku Dream team dilanti den e serie 2-0 ku viktoria pa Dreamteam djabierne ta nifika ku Dreamteam tambe titula kampion. Ban wak ku nos ta hanja kampion djabierne aki of Eagles Softex i Harlem Power tin otro plan.

dreamteam-dilanti-den-e-serie-final

wendly-pancho-serberie-player-of-the-game

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: