25 novèmber: dia internashonal pa eliminá violensia kontra hende muhé, Reflekshon di minister di Desaroyo Sosial, Labor i Bienestar mr. Ruthmilda Larmonie-Cecilia

25 novèmber: dia internashonal pa eliminá violensia kontra hende muhé, Reflekshon di minister di Desaroyo Sosial, Labor i Bienestar mr. Ruthmilda Larmonie-Cecilia

Preokupá pa e oumento drástiko di violensia kontra hende muhé na mundu Asamblea General di Nashonnan Uní a proklamá riba 17 désèmber 1999 pa medio di un resolushon 25 di novèmber ofisialmente komo dia internashonal pa eliminá violensia kontra hende muhé. Na nos pais oumento di violensia kontra hende i mucha muhé tampoko no ta un eksepshon. E ta sosodé regularmente den famianan i komunidat i no solamente violensia físiko. Ku regularidat ta maltratá hende muhé emoshonalmente, seksualmente i psikológikamente, violá, neglishá i o terorisá i solamente komo ta hende muhé. Di otro banda sa sosodé tambe ku hende muhé ta praktiká violensia relashonal kontra su partner den konteksto familiar. Mucha hopi biaha ta mira esaki i ta sufri bou di e situashonnan ei, ounke nan ta hopi hoben ainda i no ta ripará mes ora algu na nan, tòg nan ta sinti e tenshonnan i ta tende e pleitunan. Na e kultura violento i inhumano aki, desafortunadamente mayoria biaha praktiká pa hende i mucha hòmber, pero i tambe mantené pa balor- i normanan den estilonan di edukashon di género no simpátiko i kaminda hende muhé den su papel komo edukadó hopi biaha ta kontribuí, ku generalmente konsekuensianan serio pa un komunidat pasífiko, mester bini un fin. P’esei netamente riba e dia aki, ounke no solamente riba e dia aki, mi ta hasi un yamada na spesialmente tur hende i mucha hòmber den nos komunidat pa inmediatamente stòp nan komportashon violento kontra hende i mucha muhé. Na nos hende i mucha hòmbernan mi ta bisa riba e dia aki: “Realisá ku boso ta un parti signifikante den e proseso pa eliminá violensia kontra hende i mucha muhé. Realisá ku boso por bira berdadero hende hòmber ora boso no ta husa violensia kontra hende i mucha muhé.” I na entre otro nos hende muhénan mi ke bisa tambe riba e dia aki: “Sea komo mama semper konsiente di bo papel komo edukadó di bo yunan i evitá konsekuentemente estilonan di edukashon di género no simpátiko na bo yunan.” Riba nivel nashonal lo mi keda hasi esfuerso pa un maneho interministerial pa realisá mas konsientisashon di igualdat di género i relashonnan interhumano sin violensia den nos komunidat.

cw-sociale-logo

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: