Orashon djabièrnè 25 di novèmber 2016

E ora ei mi a mira un angel baha for di shelu ku e yabi di abismo i un kadena grandi den su man. El a kohe e dragon, e kolebra bieu, es desir diabel òf Satanas, tene, i a mar’é pa mil aña ku kadena. El a bent’é den abismo, sera e abismo i pone un seyo ariba, di manera ku e dragon no por a hinka e nashonnan mas den tentashon, promé ku e mil añanan pasa. Despues mester lag’é lòs pa poko tempu. E ora ei mi a mira trono i alma di e hendenan di kende a kita nan kabes afó, pasobra nan a tene na testimonio di Hesus i na palabra di Dios. Nan a bai sinta riba trono i a haña outorisashon pa aktua komo hues. Esaki ta esnan ku no a adorá ni e bestia ni su imágen i ku no a haña e marka ni riba nan frenta ni riba nan man. Nan a bolbe biba i a goberná mil aña komo rei huntu ku Kristu. E ora ei mi a mira un trono grandi koló blanku i Esun ku tabata sintá riba dje. Tera i shelu a hui p’E i no a bolbe mira nan mas. Mi a mira e mortonan, grandi i chikitu, pará dilanti di e trono. A habri e bukinan. A habri un otro buki mas, e buki di bida. A husga e mortonan segun nan echonan, manera nan tabata deskribí den e bukinan. Laman a duna e mortonan ku tabata den dje bèk, i morto i reino di morto a duna nan mortonan bèk, i a husga nan, kada un segun su echonan. E ora ei a benta morto i reino di morto den e lago di kandela. E lago di kandela ei ta e di dos morto. A benta tur esnan ku nan nòmber no tabata den e buki di bida, den e lago di kandela.
Revelashon 20:1‭-‬4‭, ‬11‭-‬15 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: