BOLETIN DI PARTI GOBIERNU DI KORSOU

Awe 26 di novèmber 2016.
Willemstad – Gobièrnu di Kòrsou a forma un tim di krisis ku ta monitoria e situashon aktual di wer. E servisionan ku ta forma parti di tim ta Polis, Brandwer, ministerio VVRP, ministerio di GMN, Meteo, Direktorado di Kontrol di Riesgo i Maneho di Kalamidat i Direktorado di Komunikashon i Informashon.
E tim a sinta ku Meteo pa por tuma nota di e situashon aktual i alabes kua lo ta e situashon pa ku sobra di e dia di awe i e dianan ku lo bai sigui.
Segun informashon risibí di parti Meteo awa seru lo sigui kai te ku djamars otro siman i ku e intensidat di kaida di e awa lo varia pa kada área.
Gobièrnu di Kòrsou ta supliká tur hende pa sigui tur boletin di parti Meteo via di su website http://www.meteo.cw, página di Facebook “Meteoroligical Department Curacao”, website di Kalamidat http://www.kalamidat.cw i tambe Facebook di “Risicobeheersing Curacao”.
Gobièrnu du Kòrsou ta pidi pa si dado kaso por tin molester di awa ku a yena kas pa yama 917 i pa kualkier problema ku roi òf dam e number 521-7800.