Momento pa un Reflekshon Nashonal riba Nos Enseñansa i Edukashon


Momento pa un Reflekshon Nashonal riba Nos Enseñansa i Edukashon

Willemstad, 1 di desèmber 2016.

Awe promé di desèmber nos ta para ketu pa reflehá bèk i posihoná nos mes ku fervor riba e trabounan ku mester tuma lugá den nos Enseñansa.

Ta †gezaghebber Ronnie Casseres a dekretá riba e fecha di promé di desèmber 1982, na nòmber di Gobièrnu di Kòrsou, ku tur aña nos komunidat kompleto tin di para ketu i refeleha bèk I reposishoná su mes pa ku nos enfoke den Enseñansa i Edukashon. Un momento di outokrítika i kurashi pa dal tur e stapnan nesesario pa ku preparashon di nos trahadornan i profeshonalnan di mañan.

Komo tal tur aña ta skohe un tema ku ta pèrmiti nos logra e ophetivonan ariba menshoná. E meta di e aña aki ta pa nos bai bèk na e ophetivo di e dekreto inisial i reflehá seriamente riba nos enseñansa i edukashon2016.
A skohe e tema sentral:
“Enseñansa nos kousa i prioridat nashonal, e base TEI”

E aña ki tambe manera ta e kaso añanan anterior kada partner edukashonal lo hiba palabra. Nan ta representante di trahadornan SITEK, representante di un Direktiva di Skol, representante di Mayor/Rema Uní i representante di Gobièrnu di Kòrsou. Mientras lo ta bai tin un orador speshal e aña aki manera ta e kaso añanan anterior. E orador speshal aki ta Sr. Hensley Koeiman komo parlamentario ku ta representá e partido ku a saka mas voto den e elekshon último.

Finalmente lo hiba palabra Minister di Enseñansa, Siensia, Kultura i Deporte sra. Irene Adela Dick i kasi por papia di e despedidá ofisial di minister Irene Adela Dick ku den su empeño pa pone nos alumnonan sentral a enkaminá trayektonan largu di diskushon i konsulta ku tur partner den enseñansa ku a hiba na un seri di desishonan klave ku ta reflehá den su KAMBIONAN struktural ku lo tin di forma e base sólido pa nos drenta den e fase esensial pa pone nos Enseñansa i Edukashon komo Prioridat Nashonal i komo tal asignele e presupuesto nesesario pa logra e ophetivonan ku nos TUR ta konvensí ku mester keda alkansá.

Entregando asina e batuta na Sr. Hensley Koeiman kende lo tuma over i amplia riba kon e Gobièrnu di Asignatura MAN lo konstrui riba e fundeshi basha pa su kolega Minister di Enseñansa, Siensia, Kultura i Deporte Sra. Irene Adela Dick .

momento-pa-un-reflekshon-nashonal-riba-nos-ensenansa-i-edukashon

Advertisements