Tremendo Klousura i entrega di premio Liga CSB/MCB

Tremendo Klousura i entrega di premio Liga CSB/MCB

Liga CSB/MCB tabatin su klousura i entrega di premio djasabra anochi. Tabatin un anochi ku a tipifiká e manera ku e kampionato a kana, algu hopi great i tur hende tabata kontentu kon e anochi a bai. Tabatin presente mayoria di ekipo maskulino i femenino, representantenan di umpirenan, representantenan di e parkenan, representante di FDOK i klaro representante di MCB. Presidente di CSB a gradisí tur e organisashonnan ku a karga e kampeonato, tambe danki na tur e otro 8 miembronan di direktiva ku a hasi un trabou manera un tim, tambe prensa ku sigur a kontribuí i tambe ela yama danki na e spònser prinsipal MCB pa ku nan sosten den 2016. Tabatin palabra di elogio tambe di parti di e representante di FDOK i tambe esun di MCB. Despues a siguí ku e parti repartishon di premio ku tabata un transmishon live via di CSB su Facebook page. Loke ku a resaltá e anochi ta ku Dreamteam kual ta un ekipo maskulino a bai ku e premio mas disiplina i a haña komo opsekio di MCB un giftcard di 500 florin.