Mantenshon kaminda entre Wacawa i Boka Tabla

Mantenshon kaminda entre Wacawa i Boka Tabla

Willemstad – Minister Suzy Camelia-Römer di Tráfiko, Transporte i Planifikashon Urbano i Servisio pa Obra Públiko (OW) a tuma nota ku tin siudadano ku ta malkontentu ku e momentu ku skohe pa traha riba un parti di kaminda pa Westpunt. Obra Públiko a duna e kontratista Aliansa e tarea pa kuminsá ku mantenshon di Weg naar Westpunt entre Wacawa pa Boka Tabla den e simannan ku a pasa. E siudadanonan ta prekupá pa motibu ku otro siman e vakashon di kontratistanan i nan empleadonan (bouwvak) ta kuminsá i e trabou ta keda para.

E desishon pa kuminsá ku e proyekto ta unu ku tin di haber ku e reglanan tokante uso di sèn di presupuesto. Pa e trabounan di mantenshon di kaya a sobra un montante di 2 mion florin pa aña 2016, ku lo a bai pèrdí si OW no a hasi uso di dje. E reglanan di Ministerio di Finansa ta basta severo den esaki. Pa no laga e sèn bai pèrdí, a opta usa e sèn pa e kaminda aki ku tin mester di mantenshon.

Bèrdat ta asina ku e trabounan no ta kaba promé ku ‘bouwvak’, pero e kontratista ta bai laga e trabou na un manera ku e no ta forma peliger ni molèster pa tráfiko. Es mas, e trabounan ku e kontratista ta hasi aworakí, ta sòru pa e proyekto kana hopi mas fásil i lihé ora ta sigui kuné den yanüari 2017. Asina ta usa sèn di komunidat na un manera responsabel, segun reglanan di presupuesto.

OW ta pidi tur hende pa tene kuenta ku e trabounan riba e pida kaminda aki durante di e trabounan den e dianan aki, pero tambe den e temporada di ‘bouwvak’. Ora e proyekto ta kla, Banda Bou sigur ta bira mas tremendo pa biba i asta mas plasentero pa bishitá.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: