BONEIRU SU PARTISIPASHON NA E WEGANAN TA UN RETO GRANDI

BONEIRU SU PARTISIPASHON NA E WEGANAN TA UN RETO GRANDI

Kralendijk – Durante di e Asamblea ku a tuma lugá na Medellin Colombia den kuadro di e weganan eskolar Suramericano diputado di deporte Rolanda Hellburg Makaai den su diskurso a duna un splikashon den linianan grandi unda Boneiru ta situá i ku turismo ta un gran pilá pa nos ekonomia. Ku Boneiru su partisipashon na e weganan, ta un reto grandi pa nos deportistanan. Tambe diputado a trese dilanti e parti di buseo kual Boneiru ta rekonosé pa esaki I no lubidá riba nos flora I founa.
Diputado a aksentuá kon orguyoso nos ta ku nos ta den e tòpnan pa loke ta trata windsurf I ku deporte ta un vehíkulo potente pa guia nos hubentut pa un kaminda positivo. Ku Boneiru ta den pleno desaroyo pa elevá su nivel deportivo en general I ta konsiderá ku na midi ku nos hóbennan por partisipá den mas kompetenshanan internashonal , nan lo subi nan nivel deportivo I nos por forma hóbennan positivo pa futuro.
Diputado Hellburg Makaai a splika tambe ku nos deportistanan a representá Boneiru den diferente kompetenshanan eskolar internashonal I ku pa e motibu aki nos interes pa forma parti na e wegnana di Consude.

Na final di e diskurso diputado a yama danki na e personanan ku a hasi nan esfuerso pa e ku su delegashon por ta na Colombia den kuadro di e weganan e aña aki.

dsc_0073

dsc_0117

This site uses Akismet to reduce spam. Learn how your comment data is processed.

error: Content is protected !!
%d bloggers like this: