AQUALECTRA KU KOMUNIKADO PRENSA TOKANTE E SUMINISTRO DI KORIENTE

KOMUNIKADO DI PRENSA
For di den oranan di awe mainta Aqualectra ta konfrontando inkumbenensha ku suministro di koriente. Esaki pa motibu ku e planta di CRU direpente a kai afó i a surgi un falta di kapasidat di koriente (9 MW) ku barionan a keda sin koriente. 

Aqualectra a kita su konekshon ku e planta di CRU pa evitá ku mester suministrá nan koriente i mas aria lo keda sin koriente. Na momento ku a hasi esei e ret a bira instabil i a pone ku e frekuensia tabata subi baha ku konsekuensia ku e koriente tabata bai bin den e mesun arianan diferente bes tras di otro. Un situashon ku no a eksperensiá promé dje forma aki. Aktualmente ta inbestigando e fenomeno aki debídamente i ta hasiendo ehersisio pa stabilisá e frekuensia. Tanten ku no logra stabilisá e frekuensia tin chèns ku koriente por keda kai afó mas be .Ta hasi un apelashon pa saka aparatonan elektróniko for di koriente ku no ta den uzo . 

Ta hasiendo tur esfuerso nesesario ta remediá e situashon di frekuensia di koriente  mas lihé posibel.Mientrastantu a sigui apliká e sistema di schakel ( kita i pone koriente ) den aria di Bandariba pa 2 ora .E arianan ta:

Cas Grandi,  Spaanse Water,  Hanenberg,  Brakkeput Ariba, Gold coast,  Jan Thiel ,  Rooi Santu,Volkswoningen Montaña, Montaña Rey, Recompensa, Fuik, Seru Machu, Katoentuin. Weto,  Klundert,  Kwartje,  Janbos,  Sint Thomas,  Kent U Zelf, Oude Water

Nos diskulpa pa e situashon inkómodó ku a surgi na promé lugá pa nos klientenan, sigur den e temporada aki i pa Aqualectra mes tambe.