Freewinds a dunanan rekonosementu NGN BRAZZ NORBERT, GIOVANNI I NORMAN PA 10 ANA TOKANDO KU THE FREEWINDS BAND

Freewinds a dunanan rekonosementu NGN BRAZZ NORBERT, GIOVANNI I NORMAN PA 10 ANA TOKANDO KU THE FREEWINDS BAND

WILLEMSTAD — Djamars dia 27 di desèmber último, e tres músikonan yu di Kòrsou ku ta forma parti di NGN Brazz ku a bin ta toka ya pa 10 aña ku The Freewinds Band, a keda honrá ku un sertifikado di apresio di e organisashon Freewinds. Na e okashon aki Kapitan Mike Napier i kapitan i Puerto Ken Weber i director Patrick Zagury Musikal di The Freewinds Band ta esnan ku a hasi entrega di e sertifikado di apresio aki.
Manera ta konosí, na desèmber 2006, NGN Brazz ku ta keda forma pa Norman Kooks ( trompèt), Giovanni Atalita ( trombon) i Norbert Girigorie ( alto i tenor sax), a toka pa promé biaha riba e barku Freewinds huntu ku e músikonan di The Freewinds Band, kaminda nan a duna un presentashon bon ku a dura 10 aña largu.
E relashon entre NGN Brazz i The Freewinds, pero tambe ku e organisashon di Freewinds a hiba e trio di músikonan lokal aki pa giranan manera na Aruba, kaminda nan a toka den e maiden voyage huntu ku músikonan di Aruba ku tambe a forma parti di e banda i tambe e miembronan di Freewinds band.
Tambe e trio a bai gira na Boneiru, kaminda nèt den kambio di konstelashon Antiano, a tene dos konsierto riba e Isla ya menshoná, kaminda a kompañá kantante manera John King di Barbados i otro nan.
Fuera di e presentashon aki na Boneiru, tambe mester mustra riba e paradanan di karnaval di mucha ku NGN Brazz a yuda pa aporte na karnaval hubenil di e Isla ruman.
Pa loke ta Kòrsou no ta di papia. Durante e último 10 añanan ku a pasa, NGN Brazz huntu ku the Freewinds Band a bin ta kompañá masha masha hopi artista lokal mes ku a sa di presentá riba Freewinds último 10 añanan ku a pasa.
Un otro high light tabata ora ku e aña aki miembronan di NGN Brazz a toka ku e banda na Saint. Lucia, Saint Vincent i na Barbados.
Pa NGN Brazz tabata un plaser i honor di por a toka durante di e último 10 añanan ku The Freewindsband i ta bayendo pa e próksimo 10 añanan tresiendo bon músika pa pueblo di Kòrsou i tur kaminda ku e band presentá.
Atentamente

Foto Di robes pa drechi por mira aki Kapitan Mike Napier, Norman Girigorie, Norman Kooks , Giovanni Atalita i Kapitan di Puerto Ken Weber, despues ku e tres músikonan lokal aki a haña nan rekonosimentu di apresio pa nan trabou bon realisá riba e barku.

foto-2

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: