Orashon djamars 3 di yanüari 2017

Orashon djamars 3 di yanüari 2017

Mira kuantu Dios Tata ta stima nos: E ta pèrmití nos karga e nòmber ‘yu di Dios’! Anto enberdat esei nos ta tambe! Ta p’esei mes esnan ku ta sigui mundu no sa ken nos ta, pasobra nan no a siña konosé Dios. Keridonan, awor akí nos ta yu di Dios i ounke te ainda no ta revelá loke nos lo bira, nos sa ku ora Kristu bini nos lo ta manera E, pasobra nos lo mir’É manera E ta en realidat. Anto esun ku ta karga e speransa akí den Kristu, ta mantené su mes puru, meskos ku Kristu mes tambe ta puru! Ken ku sigui den piká ta promové anarkia, pasobra piká ta rebeldia kontra Dios. I boso sa ku ta pa kita piká Kristu a bini i ku den djE no tin piká. P’esei es ku keda den djE, no ta sigui den piká. Ma ken ku sigui hasi piká no a konos’É ni sa ken E ta.
1 Huan 3:1‭-‬6 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: