Federashon di Sòftbòl di Kòrsou ta kumpli 65 aña den deporte na Korsou
Federashon di Sòftbòl di Kòrsou ta kumpli 65 aña den deporte na Korsou
Federashon di Sòftbòl di Kòrsou (CSB) kier a deseá tur hende un felis 2017 ku hopi perseveransia i éksito. CSB e aña aki lo kumpli 65 aña di eksistensia den nos deporte aki na Kòrsou. E federashon aki tin hopi historia grandi i riku den nos deporte lokal i ku a nifiká masha hopi mes pa Kòrsou i a sòru pa duna Kòrsou diferente momentunan di alegria. Pa e motibu aki nos direktiva lo no laga e aña aki bai trankil, pero lo bai tin hopi kos great plania en konekshon ku 65 aña CSB. Mas den febrüari nos lo anunsiá e aktividatnan festivo pa selebrá nos 65 aña.
Pa loke ta trata e programa di 2017 nos a presentá nos kalendario aña pasa ku ta lo siguiente:
17 February – Konvokashon reunion general anual 2017
20 February – Entrega di Lista pa kampionato hubenil/Konvokashon pre selekshon femenino/maskulino
7 Mart – Start Kurso pa Umpire/skorer
8 Mart – Start kurso pa Coach
14 Mart – Réunion tékniko hubenil
17 Mart – Réunion general anual 2017/Apertura selebrashon 65 aña CSB
19 Mart – Apertura kampionato Hubenil
31 Mart/ 2 aprel – Torneo softball fastpich (Selebrashon 65 aña CSB)
8 Aprel – Entrega di lista pa kampionato femenino/maskulino
21 Aprel – último fecha pa entrega di lista kampionato femenino/maskulino 2016
14 Mei – último fecha kampionato Hubenil
18 Mei- Réunion Tékniko kampionato maskulino/femenino A i AA
20 Mei – Apertura kampionato maskulino/femenino A i AA
2 July – Allstar Game/Break kampionato maskulino/femenino A i AA
Medio July – Partisipashon di selekshon/nan den weganan klasifikatorio pa CAC
12 Ougùstùs – kontinuashon di kampionato maskulino/femenino A i AA
1 Òktober – Ultimo fecha di kampionato maskulino/femenino A i AA
8 Òktober – Klousura I entrega di premio CSB
15 Òktober – Apertura di liga infantil
1 Novèmber – Réunion general
19 Novèmber – Klousura Liga infantil(9-14 aña).
Direktiva di CSB kier a probechá pa invitá tur su miembronan pa kuminsá move i mobilisá ku preparashonnan pa huntu nos engrandese e deporte di Sòftbòl. I tambe nos kier a pidi pa tur persona ku tin pensa pa afiliá na CSB pa partisipá na kampionatonan femenino i maskulino 2017, por tuma kontakto ku nos libremente na csberanobo@gmail.com of nos facebookpage csb.nieuws.