M.C.B. a kologá bandera halfestèngel for di djabierne mainta.

Foto AD.

M.C.B. a kologá bandera halfestèngel for di djabierne mainta.

Willemstad- Na tur edifisio di M.C.B.-bank tabatin bandera halfestèngel kologá for di djabierne mainta.
Maduro & Curiel’s Bank ta di luto debí na fayesementu di e presidente-direktor i despues presidente-komisares, Lionel ‘Lio’ Capriles, mihó konosí komo ‘Paps’ Capriles riba djahuebs último.

M.C.B. ta konta ku sigur 1500 empleado, expandé riba e islanan, di kuá mayoria ta traha na Kòrsou.
Na algun di e filialnan, ta kologá solamente e bandera di Kòrsou.
Pero na e ofisina prinsipal di e grupo bankario, na plasa Jojo Corea, den kurason di Punda,tur  e 4 banderanan di Reimo ta na halfestòk;Kòrsou, Aruba, Ulanda(na kual e islanan B.E.S.; Bonaire, Statia, Saba, ta pertenesé) i St. Maarten.

Na Kòrsou e banko ta konosí komo M.C.B.
Na Bonaire komo M.C.B. Bonaire.
Na Aruba komo Caribbean Mercantile Bank (CMB), i na St. Maarten i restu di islanan ariba komo Windward Island Bank. (WIB)

Capriles tabata pará na kabes te na e kambio di siglo,dékada,i tabata sumamente popular bou di e poblashon.
E ex-bankero di 83 aña di edat ta wòrdu hibá djaluna 9 di yanüari pa 15:30, na su último lugá di sosiegu,den seno familiar.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: