KOMUNIKADO DI KUERPO POLISIAL KORSOU TOPIKO: Medidanan di tráfiko i seguridat den kuadro di entiero di Lionel Capriles

KOMUNIKADO DI KUERPO POLISIAL KÒRSOU 

004 / 2017

9 yanüari 2017

Título: medidanan di tráfiko i seguridat den kuadro di entiero di Lionel Capriles

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Relashoná ku entiero di Lionel Capriles kual lo tuma lugá awe, djaluna 9 di yanüari 2017, na e adrès 

Schout bij Nacht Doormanweg 71, polis lo tuma e siguiente medidanan di tráfiko i seguridat:

 for di 10.00’or di mainta no ta permití tráfiko subi riba Schout bij Nacht Doormanweg

kuminsando for di Snipweg, biniendo for di direkshon di Biesheuvel i Corriweg. Tráfiko riba 

Snipweg biniendo for di direkshon di Biesheuvel ta keda desviá a traves di Alablancaweg –

Cas Coraweg òf Boebiweg – Kolibriweg i bini bèk riba Schout bij Nacht Doormanweg. Tráfiko

biniendo for di direkshon di Corriweg ta keda desviá pa Boebiweg – Kolibriweg òf 

Alablancaweg;

 for di 10.00’or di mainta no ta permití tráfiko for di Schout bij Nacht Doormanweg na 

altura di Kolibriweg. E tráfiko ta keda desviá dor di Kolibriweg Chuchubiweg i 

konsekuentemente Corriweg;

 for di 04.00’or di atardi no ta permití tráfiko riba Berg Altena na altura di e santana Hudiu. 

Tráfiko biniendo for di Plasa Horacio Hoyer ta keda desviá den Kaya Gerardina i Gutierrez;

tráfiko biniendo for di direkshon di Saliña ta keda desviá via di Arnhemstraat – Oranjestraat.

Pa seguridat di pueblo en general polis ta supliká tur persona pa tene nan mes na e medidanan di siguridat i di tráfiko ariba menshoná.