Orashon djaluna 9 di yanüari 2017
Orashon djaluna 9 di yanüari 2017
Den e tempu ei Hesus a bini for di Galilea serka Huan na riu di Yordan pa Huan batis’É. Huan ker a stòp E, p’esei el a bis’É: ‘Ta ami mester laga Abo batisá mi, anto Abo ta bini serka mi?’ Ma Hesus a kontest’é: ‘Laga bai asina numa, pasobra ta di e forma akí nos mester kumpli ku tur loke ta boluntat di Dios.’ E ora ei Huan a batisá Hesus numa. Nèt ora Hesus tabata sali for di awa, shelu a habri p’E i El a mira Spiritu di Dios a baha riba djE manera un palomba. A zona un stèm for di shelu: ‘E ta mi Yu stimá; E ta legria di mi kurason.’
Mateo 3:13-17
