Hòmber (45) ta fayesé mientras e tabata sambuyá


Hòmber (45) ta fayesé mientras e tabata sambuyá

KRALENDIJK Dia 8 di yanüari 2017 den oranan di atardi a tuma lugá un insidente lamentabel durante kua un hòmber di 45 aña a pèrdè su bida mientras e tabata sambuyá, na Bonaire.
E viktima ta un hòmber prosedente di Merka.
E sambuyadó a enkontrá problema durante ku e tabata sambuyá. Paramedikonan a reanimá e sambuyadó i a transport’é ku urgensia pa Hospital San Francisco. Na promé instante tabata tin indikashon ku e viktima lo rekuperá, sinembargo el a bin fayesé.
Investigashon den e kaso aki ta kontinuá pa por determiná ta kiko eksaktamente a bai robes ku e sambuyadó aki.
Pas na alma di e defuntu.

diver

Advertisements