NOTISIA POLISIAL 11 YANÜARI 2017
Polisnan tabata enkargá ku kontról den Bernhardstraat na altura di Greenhill Supermarket.
Polisnan a duna e outo di marka Hyundai modèl Matrix, di kolor pretu, señal pa para.
Na momentu ku e outo a para, e pèrsona sintá patras na banda robes, a habri e porta.
E 4 pasaheronan ku tabatin den e outo, tabata papia spañó i niun no por a identifiká nan mes ku un dokumento bálido.
En konekshon ku esaki, pa banda di 10:35, e 4 hòmbernan, riba 11 di yanüari 2017, a keda detené, pa kaso di LTU.
Pa despues wòrdu traspasá pa Guarda nos Costa.
=======================
Alrededor di 15:00, SCP, a dirigí payruya na Top Car, kaminda e notifikadó lo a gara e sospechoso ku a bai ku merkansia for di su kas.
Na e sitio, polisnan a papia ku e hòmber di nòmber M.
M a deklará na polis ku el a mira e hòmber ku a hòrta pipa di koper for di su kurá na Sisalstraat riba 6 di yanüari 2017.
Mas aleu el a deklará ku e hòmber lo mester a bai na e kas na Edisonstraat.
M a mustra polis algun potrèt.
Aki polisnan a rekonosé e konosí pa polisnan, e hòmber R.
R ya no tabata na e sitio.
Denunsia a wòrdu tumá.
Lo entregá e potrètnan huntu ku e prosès verbal.
A pone SCP na altura di e kaso.
=======================
Durante un kontról den e area di Palm Beach, polisnan a nota ku alarma di un outo a aktivá.
Tabata alarma di un outo marka Hyundai, modèl CRV.
Ora polisnan a kontrolá, nan a mira ku e bentana parti patras na banda drechi di e outo tabata un quart habrí.
Despues e doño di e outo a aserká polis.
El a deklará ku ta é mes a laga e bentana parti patras, un quart habrí,
Pasobra e bentana tabata habrí, deskonosínan , probablemente a purba habri e porta pa por drenta den e outo.
Nan a wòrdu strobá, ora e alarma a bai i no por a kumpli ku nan plan.
A pone SCP na altura di e kaso.
=======================
SCP a dirigí patruya na Babijn pa un kaso di molèster di awa di berpùt.
Na e sitio polisnan a papia ku e hòmber di nòmber F.
El a deklará ku un tempu pasá el a yega di uza awa di berpùt pa su matanan.
Pero ku e no tabata sa ku e tabata forma un molèster pa su bisiñanan.
Ademas e ta sigui bisa ku dor di awaseru, su berpùt a yena.
A pone F na altura tokante un ke otro i tambe e higiena.
El a mustra komprenshon.
A pone SCP na altura.
=======================