Pasa trese bo Palu di Pasku na Sentro di Bario Montaña “nos lo kima e palunan djasabra 14 yanüari 2017”
Direktiva Sentro di bario Montaña
Willemstad 12 yanüari 2017
Pasa trese bo Palu di Pasku na Sentro di Bario Montaña “nos lo kima e palunan djasabra 14 yanüari 2017”
Willemstad- Pa di 7 aña Direktiva di Sentro di Bario Montaña konhunto ku bario ta bai kima palunan di Pasku. Esaki a bira un tradishon tur aña di nobo. Djasabra 14 yanüari 2017 entre 7 or pa 10.30 or anochi den un ambiente festivo nos ta habri aña 2017 den bario di Montaña i bisindario. Si bo ta kòrda aña pasá nos a kima mas ku 150 palu di Pasku; bo no por keda afó.
Nos ke invitá boso tur ku tin un palu di Pasku bin trese tur for di 6 yanüari 2017 na Stakamahachiweg z/n dilanti santana di Montaña pa nos ta kima e palunan djasabra 14 yanüari 2017 i asina nos ta forma un dushi ambiente musikal na sentro di bario Montaña.
Riba e anochi aki lo bai tin un Bar i kushina bon surtí.
Nos ke habri aña ku un ambiente tur afó, i asina yuda konsientisá sigur nos hóbennan ku un di nos tradishonnan kurasoleño. Entrada ta kompletamente grátis, solamente nos ta pidi un bon komportashon. Ta sugirí un i tur pa bini tempran pa no pèrdè nada di e anochi dushi aki.
Di e forma aki Sentro di Bario Montaña ta kere den un union berdadero ku diferente rasa i nashon pa asina nos por forma un bario uni. Un boka bisa otro.
Si tin kualke informashon, pregunta tuma kontakto ku Sentro di Bario Montaña na telefòn 767-1600 parti mainta i atardi despues di 4 or pa 7 or òf 687-4209 -529-5512-525-4824
