KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

KOMUNIKADO DI KUERPO POLISIAL KÒRSOU Título: dos detenshon i konfiskashon

header-notisia-di-polis

KOMUNIKADO DI KUERPO POLISIAL KÒRSOU
007 / 2017 12 yanüari 2017
Título: dos detenshon i konfiskashon
Departamentu di Komunikashon i Prevenshon Página 1

KUERPO POLISIAL KÒRSOU SIRBI I PROTEHÁ

Kontinuando ku e investigashon relashoná ku un kaso di tiramentu kometé dia 17 di òktober 2016 na Bastetstraat, polis a detené dos sospechoso pa intento di asesinato. Riba e dia en kuestion e sospechosonan a tira riba algun persona na e adrès menshoná. Djárason 11 di yanüari último, den oranan di anochi, polis a detené e promé sospechoso maskulino R.Z.G. nasé na Kòrsou di 29 aña di edat, na altura di Rotònde di Zegu. Siguiendo ku e investigashon, awe djaweps 12 di yanüari, polis a detené e otro sospechoso den e kaso aki, ta trata di e hòmber E.H.G. nasé na Kòrsou di 33 aña di edat. E detenshon a tuma lugá den kurá di un kas na Vuurlandweg. Na momentu di su detenshon, e sospechoso tabatin un arma di kandela den su poder i polis a konfiská e pistol ‘Glock’ ku 30 bala skèrpi pa mas investigashon. Relashoná ku esaki polis a tene entrada hudisial na kas di e sospechoso E.H.G. na Esmeraldaweg, pero no a haña nada di importansia pa e investigashon. A presentá ámbos sospechoso dilanti di un fiskal ouksiliar ku a ordená nan enkarselamentu pendiente di mas investigashon.

639114718427035"
639114718427035"