OBRA PUBLIKO TA TUMA MEDIDA PA MANEHA KONSEKUENSHANAN DI AWASERU

OBRA PUBLIKO TA TUMA MEDIDA PA MANEHA KONSEKUENSHANAN DI AWASERU

Willemstad – Obra Públiko (OW), komo e organisashon responsabel den Ministerio di Tráfiko, Transporte i Planifikashon Urbano, a tuma medida pa aliviá e molèster di e kantidat grandi di awa ku ta kai na Kòrsou e dianan aki. Komo e mandatario responsabel pa infrastruktura, Minister Suzy Camelia-Römer i e organisashonnan den su ministerio, ta purba yuda mas tantu posibel pa tráfiko, habitantenan i negoshinan tin ménos molèster posibel, aunke naturalesa tin biaha no ta hasi esaki fásil.

Un di e medidanan ku OW ta tuma ta ku a deliberá ku fábrika di asfalt na Kòrsou pa traha asfalt friu na lugá di asfalt kayente. Diferente di nos kareteranan ta haña buraku, debí na áwaseru eksesivo di último tempu. Pa sera e burakunan ku e asfalt kayente di normal, mester warda pa awa stòp di kai i pa e burakunan seka. Pa por sigui traha mas efisiente, OW awor a pidi pa asfalt friu, ku ta pega asta den áwaseru. For di kuminsamentu di otro siman OW ke kuminsá traha ku esaki. Tambe OW a amplia e kantidat di ekiponan ku ta hasi e trabounan di tapa buraku.

Segun Servisio Meteorológiko tin mas awa na kaminda pa Kòrsou. Despues di tantu awa ku a kai den e simannan ku a pasa, e tera a saturá na sierto kaminda loke por okashoná inundashon. Pa mèldu molèster di awa por yama OW na number di telefòn 4334273. Ta bon tambe pa tene na kuenta ku bou di awa ku ta para riba kaminda semper por tin buraku nobo. OW ta pidi pa tene kuenta ku esaki i pa baha velosidat riba kayanan inundá i asta purba evitá di kore einan.

This site uses Akismet to reduce spam. Learn how your comment data is processed.

error: Content is protected !!
%d bloggers like this: