Orashon djaluna 16 di yanüari 2017

Orashon djaluna 16 di yanüari 2017

Kada gransaserdote ta keda skohí for di hende i nombrá pa representá hende serka Dios; e mester ofresé sakrifisio i ofrenda pa piká. Komo e mes tambe ta someté na debilidat humano, e por tin komprenshon pa hende ignorante i esnan ku a pèrdè kaminda. I komo e mes ta débil, no ta solamente pa piká di e pueblo e mester ofresé sakrifisio, sino tambe pa su mes pikánan. Niun hende no ta duna su mes dignidat di gransaserdote; Dios mester yam’é pa e risibí e dignidat ei, manera a sosodé ku Aaron tambe. Asina Kristu tampoko no a duna su mes e honor di gransaserdote; esei ta Dios a hasi, ku a bis’É: ‘Bo ta mi Yu; awe Mi a duna Bo bida.’ Un otro kaminda E ta bisa tambe: ‘Lo Bo ta saserdote pa semper na mesun manera ku Melkisedèk.’ Durante su bida na mundu El a resa i supliká Dios, ku por a salb’É for di morto, bou di gritu i yoramentu. I Dios a skuch’É pasobra El a someté su mes na Dios. Ounke E tabata Yu di Dios, El a siña pa medio di tur loke El a sufri, kiko ta obediensia. Ora El a logra su meta, El a bira kousa di salbashon eterno pa esnan ku ta obedes’É, i Dios a nombr’É pa ta gransaserdote na mesun manera ku Melkisedèk.
Hebreonan 5:1‭-‬10 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: