KOMUNIKADO DI KUERPO POLISIAL KÒRSOU Título: entrada hudisial ku detenshon

KOMUNIKADO DI KUERPO POLISIAL KÒRSOU
019 / 2017
19 yanüari 2017
Título: entrada hudisial ku detenshon
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Awe djaweps 19 di yanüari 2017 den oranan di atardi e Tim di Aresto a tene un entrada hudisial den un kas na Jan Sofat dirigí riba violashon di e Lei di arma di kandela. Bou di kama den e kas e personal di e tim a haña un pistol Glock ku bala skerpi, ku a keda konfiská. E tim a detené e hòmber sospechoso R.M.C. nasé na Kòrsou di 29 aña di edat pa violashon di lei di arma di kandela. Durante di investigashon den e kas menshoná, e tim di mantenshon di orden publiko konhuntamente ku reshèrshi a haña i konfiská den un tas un houder ku bala skerpi i tambe artikulo ku ta di importansha pa e investigashon. E sospechoso a keda presentá dilanti di un fiskal ouksiliar ku a ordená su enkarselamentu pa mas investigashon.