Djadumingu awor durante inskripshon MCB ta ofresé preis spesial pa karchi di Festival di Tumba 2017

mcb-21012017

Djadumingu awor durante inskripshon MCB ta ofresé preis spesial pa karchi di Festival di Tumba 2017

WILLEMSTAD – Maduro & Curiel’s Bank, é Banko Amigu di Tumba e aña aki tambe ta duna su klientenan e oportunidat pa kumpra karchi di entrada na tarifa redusí. Durante Inskripshon di Tumba, ku ta tuma lugá djadumingu awor dia 22 di yanüari na Curaçao Festival Center, Bo Banko Amigu for di 2:00 pm pa 6:00 pm ta pone un total di 200 karchi di entrada general i 100 karchi di entrada Red Carpet disponibel pa su klientenan, na un preis redusí.

Preis spesial di Bo Banko Amigu pa entrada general ta NAf. 65,– i preis spesial pa e sekshon di Red Carpet ta NAf. 300,–. Klientenan por kumpra e karchinan pa Festival di Tumba 2017 na e tarifa ariba menshoná solamente ku nan tarheta di MCB Bankomatiko Smartcard òf ku nan tarheta di Kompa Leon. Kada persona por kumpra un máksimo di 2 karchi di Festival di Tumba. Tene kuenta ku riba e dia aki pa kompra di e karchi na preis spesial no por paga ku sèn kèsh.

Bishitá Curaçao Festival Center djadumingu awor dia 22 di yanüari di 2:00 pm pa 6:00 pm i probechá kumpra karchi di Festival di Tumba 2017 na un preis redusí i kuminsá drenta den e ambiente di tumba. Maduro & Curiel’s Bank, é Banko Amigu di Tumba, ta deseá un i tur un dushi Festival di Tumba i temporada di karnaval.

This site uses Akismet to reduce spam. Learn how your comment data is processed.

error: Content is protected !!
%d bloggers like this: