KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

KUERPO POLISIAL ARUBA RAPORT 26 YANÜARI 2017

Polisnan a haña mèlding via CP, ku a skucha tiru den area di Madiki i despues tambe den bisendario di Anglo kleuterschool.
Riba kaminda pa e kontròl, polisnan a haña otro mèlding via CP ku 4 mucha homber lo a maltrata un otro mucha hòmber, na altura di Rox Dan Bar Restaurant.
Yegando na e sitio, un dama deskonosí a konta polisnan, ku e 4 mucha hòmbernan a kana bai  riba e kaminda di tera den direkshon ost.
Polisnan a sali mesora tras di nan i den janszstraat un hòmber a bisa polisnan ku el a mira 4 mucha hòmber kana bai den direkshon ost den Quasstraat.
Polisnan a bai den Quasstraat i a topa un hoben. El a bisa ku e ta biba na un di e kasnan ey i ku ta nèt el a kaba di yega kas i ku el a kaba di mira un hòmber deskonosí subi riba tereno di su bisiña, pero e no a mira nada mas.
Polisnan a subi tereno i a buska e 4 hobennan i parti patras di e kas, polis a mira ku nan lo a bula muraya di e kurá pa hui bai.
Polisnan a bai mesora den e otro banda di kaya pa por topa nan.
Yegando eynan, un homber deskonosí a para polisnan, bisando ku el a mira 3mucha hòmber ku a bini for di kas di su bisiña i kore bai den direkshon wèst.
Ta trata di e kas for di kaminda nan lo mester a bula muraya.
Polisnan a sigui ku e búskedá, pero no a topa niun hende.
Despues polisnan a bai bèk na Rox Dan Bar Restaurant, pa haña mas informashon tokante e malhechornan i a topa ku e viktima.
E viktima a deklará ku e 4 mucha hombernan a bringa kuné i nan a bai ku su telefòn. 
Un di e malhechornan tabatin un “body t-shirt” blanku ku lèternan kòrá bistí i un karson largu pretu.
Un otro tabatin un kamisa kòrá, pèchi kòrá na kabes i un karson largu blou.
I e otro dosnan, e viktima no ta kòrda.
Polisnan a keda kore den e kayanan i bisendario, enbuska di e malhechornan, pero no por a haña nan niun kaminda.
Aki, aya a para 2 mucha pa kontròl, pero niun partikularidat.
=======================

SCP a dirigí patruya na patiastraat pa un kas ku lo tabata na kandela.
Segun brantwer, ta sushi tabata na kandela i ku ya nan a pagu’é.

A pone SCP na altura di e kaso.
=======================

CVD a dirigí patruya na Salinja Cerca pa un kaso di kiebro.
E denunsiante a deklará ku deskonosínan a bai ku e kluis ku ta pertenesé na su señora.
Riba 25 yanüari 2017, alrededor di 19:00, nan a sali for di nan kas na Salinja Cerca pa bai sine.
A laga bentana i portanan bon será atras.
Den e armario di e kamber prinsipal riba e di 2 piso, tabatin un kluis.
E kluis tabata tapá ku un duki i riba e kluis tabatin un eiskast.
Deskonosínan a haña entrada via un bentana di e kamber te patras na parti ost di e bibienda.
E hèkwèrk i e glas di e bentana a wòrdu destruí.
E denunsiante no tabata sa kiko su señora tabatin den e kluis.

Polisnan lo tèrmina ku e denunsia, despues ku e lista di artíkulonan hòrtá, wòrdu entregá.

SCP i BFTO a wòrdu poné na altura di e kaso.
=======================
Riba 26 yanüari 2017, pa banda di 03:15, polisnan a haña nan ta bai  riba e kaya prinsipal ku ta guia fo’i Oranjestad pa San Nicolas.
Na altura di Seroe Thijshi, polisnan a mira un Nissan Teanna kolor blanku, ku tabata zeila riba kaminda.
En konekshon ku esaki a duna e outo menshoná òrdu pa para na wèst di Seroe 
Thijshi.
Na promé kontakto, polisnan a konstatá ku e shòfùr tabata fuertemente bou di influensia di bibida alkohóliko i un ke otro sustansia.
I e tabatin olor fuerte di alkohól .
E shòfùr tabata papia ku lenga pisá.
En konekshon ku esaki a detené pa violashon di artíkulo 5 di LWV.
=======================
        KIEBRO DEN KAS.
CP a dirigí patruya na Weg Kustbatterij pa un kaso di kiebro den kas.
Na e sitio polisnan a papia ku e hòmber S, kende a deklará ku deskonosínan a kibra su garashi i a bai ku algun material di konstrukshon.
Tambe el a deklará ku nan a pusha e slang di kurá den un buraku i a habri e kranchi i laga awa kore.

A tuma e denunsia.
======================

639114718427035"
639114718427035"