KUERPO POLISIAL ARUBA KPA 31yanüari 2017
AKSIDENTÁ I KORE BAI
Riba 31di yanüari 2017, alrededor di 08:50, SCP a dirigí patruya na altura di Mercal Trading pa un kaso di un aksidente kaminda despues e shòfùr lo a kore bai.
Na e sitio a resultá di ta muraya di kurá di un lokalidat na Bernhardstraat 13-A.
Mas aleu, polisnan a papia ku doño di e lokalidat na e adrès menshoná.
E hòmber di nòmber B a deklará na polis ku riba 30 di yanüari 2017, pa banda di 18:30, el a bandoná su negoshi.
I riba 31di yanüari 2017, ora ku el a regresá su negoshi, el a ripará ku un outo deskonosí a destruí e muraya i a kore bai for di e sitio.
B a deklará mas aleu ku probablemente ta un outo kolor bèrdè, mirando e markanan di fèrf ku a keda atras riba e muraya.
=======================
PÈRSONA SOSPECHOSO.
CP a dirigí patruya riba 31 yanüari 2017, alrededor di 11:05, na e adrès Sabana Liber, en konekshon ku un notifikashon ku a drenta tokante un pèrsona sospechoso ku lo tabata den un mondi patras di e kas na e adrès menshoná.
Ora ku polisnan a yega, a resultá ku ya e hòmber a bai.
E habitante F, a konta polisnan ku djis promé, el a mira un hòmber den mondi patras di su kas i ku tabata aktua sospechoso.
Ora ku e hòmber a mira F, el a hui.
E hòmber a drenta purá den un trùk di karga, di kual modèl i number ta deskonosí, i el a kore bai den direkshon di e kaya prinsipal di Sabana Liber i /òf Kudawecha.
E hòmber tabatin aspekto Latino. F ta hopi sigur di esaki.
Polisnan a kontrolá den bisendario pa mira si ta topa e hòmber i e trùk, pero sin resultado.
=======================
DESTRUKSHON.
Na warda di polis a presentá un dama di nòmber W, pa hasi denunsia tokante destrukshon.
El a deklará ku e ta gerente di Club Estrella na Santa Cruz, i ku den e kualidat ey, e ta outorisá pa hasi denunsia.
Riba 26 di yanüari 2017, el a konstatà ku deskonosínan a spuit propaganda di tri- bike “PRO PEFOFIEL” ku spuit pretu riba e muraya di kurá.
Riba 31 di yanüari 2017, alrededor di 10:30, el a bolbe konstatá ku deskonosínan a spuit riba un otro muraya.
Warda di polis Santa Cruz a tuma denunsia.
=======================
AKTITUT SOSPECHOSO.
Riba 31 di yanüari 2017, entre 10:30 i 12:30, polis Strand a realisá un kontròl na pia riba e koredor di for di RIU ANTILLES te ku PLAYA LINDA.
Durante kontrol, ora ku polisnan tabata n’e parti ost di Hilton Resort, na “Aruba Watersport, nan a mira un trahadó di “New kids Watersport”, ku tabata kanando i ku a para ku lomba dilanti di e bar di e kiosko, kaminda ta bende konsumo.
Ela kuminsa wak rònt i a bisa e turista sintá den e bar, algu.
E turistanan no a dun’é atenshon i el a bolbe papia un biaha mas ku e turistanan.
El a kuminsa wak ront i a mira polisnan i a hasi e ora ey komo sifuera e tabata saludando e turistanan.
Na yegada na e Watersport, polisnan a mira ku un kolega a aserká e hoben, menshonando e nòmber LG. i a hasi’é diferente pregunta, riba kuá el a kontestá ku e ta trahando pa New kids Watersport i ku e no a hasi nada.
E kolega a sigui bisé pa habri su tas pa e por kontrolé. Na momentu di saka e artikulonan for di e tas, a saka un mulina pa mula marihuana.
Polisnan a mustr’é mesora ku ta prohibí pa e tin e artikulonan ey den su poder.
El a bisa ku e no tabata sa esaki i ku e tabata pa su propio uzo.
Polisnan a kita e mulina.
I a indik’é tambe klaramente ku e tin no mag di kita for di su lugá di traha djis pa kana rònt.
El a bisa ku e no tabata sa esaki tampoko.
A kité for di eynan i mandé bai na su lugá di traha.
El a mustra komprenshon i a kana bai na su kasita, kaminda e mester ta.
Polisnan a sigui ku nan
kontròl.
CVD a wòrdu poné na altura di e kaso.
=======================
ASISTENSIA.
SCP a dirigí patruya Oranjestad, kaminda antes tabata Botika San Pedro Ponton, pa un pèrsona ku tabata purba drenta un edifisio.
Na kaminda polisnan a pasa den Datusstraat i a mira ku un hende hòmber tabata kanando den direkshon suit i ku e tabatin un pipa di koper den su man.
Polisnan a puntré su nòmber i el a duna di konosé ku e ta JP, bibá na Alto Vista.
El a sigui bisa ku el a haña e pipa di koper den un baki grandi di sushi.
Polisnan a tuma esaki for di dje i a sigui bai na antes Botika San Pedro Ponton.
Na e sitio polisnan a mira ku e edifisio tabata dekaí.
Polisnan a kontrolá i probablemente JP a kohe e pipa di koper for di e edifisio.
Polis a bai bek enbuska di JP, pero no a top’é mas.
=======================
PELEA.
Notifikante ta deklara ku tabatin 2 dama bringando den su negoshi Alankar.
SCP a dirigí patruya na Schelpstraat, na KE.KE Store, en konekshon ku un pelea..
Na e sitio, polisnan a papia ku e viktima P, kende a deklará ku e tabata trahando den KE. KE Store, ora ku 2 dama a drenta den e lokalidat .
Nan tabata mirando diferente paña.
Nan a mira ku e trahadó P, tabata keda waknan.
Nan a rabia i a kuminsá bati P i tir’é na suela pa despues sali bai for di e negoshi.
Ambos dama ta kolor bruin klá i tabatin karson largu bistí.
Un di e damanan tabatin un blusa blanku bistí i e otro un blusa pretu.
Nan a kana bai den direkshon Nort.
E viktima no ke a hasi denunsia kontra di e damanan.
E doño di KE.KE Store tin un foto di e damanan i e no ke mira nan den su negoshi mas.
SCP a wòrdu poné na altura di e kaso.
=======================
MOLÈSTER DI BENDEDÓ DI DROGA.
Riba 31 di yanüari 2017,alrededor di 17:45, un vigilante di Low Rise Hotel a yama warda di polis, i a notifiká ku e konosido bendedó di droga ” Branthon Balgrove”, tabata molestiando un turista na ‘de Tamarijn’.
E tabata molestiá e turista dor ku esaki no ke a kumpra droga serka dje.
Bolgrove lo a pusha e turista i despues a bai
CvD i CP a wòrdu poné na altura di e kaso.
=======================