NOS PUEBLO MESTER ‘REACH FOR THE STARS’ Y SOSTENE VISION DI PPA PA UN ‘ARUBA WORLD TRADE CENTER’ ETC’

BENNY NISBET (PPA):
‘’ NOS PUEBLO MESTER ‘REACH FOR THE STARS’ Y SOSTENE VISION DI PPA PA UN ‘ARUBA WORLD TRADE CENTER’ ETC’ !”
Discussion con ta usa un ‘tereno strategico’ ta cuadra cu un democracia bibo …!
PPA tin hopi anja ta boga pa Aruba worde desaroya den un HUB den region di Caribe. Pa logra esaki un di nos meta ta pa logra un Aruba World Trade Center. Tempo nos a bin cu e vision aki nos a presenta e tereno pabow di x Club Caribe como e sitio unda nos lo desea di mira un projecto asina. Cu tempo gab Oduber a dedica e tereno aki na oficina di gobierno. Despues di cual nos a boga pa un posibel Word Trade Center worde construi p’ariba di Aeropuerto den vecindario di e desaroyo nobo di Barcadera desaroyo ta tuma lugar a basa di e vision di PPA pa muda containerhaven for di Oranjestad pa Barcadera. Cu tempo a bira evidente cu ningun gobierno tabata mustra intencion pa muda e dump na Parkietenbos for di e sitio aki basa riba cual PPA a considera cu lo no ta na su lugar cu bishitante na un eventual World Trade Center lo por wak pafor riba un dump anto uno kimando pa colmo.
Esaki a pone PPA den nos ‘Think Tank’ re-evalua e sitio y mirando cu e sitio di un eventual WTC lo mester refleha e dinamismo di un pais PPA a scoge e x Containerhaven/Free Zone pa construccion di un Aruba World Trade Center. PPA no ta den gobierno pero dentro di nos vision pa futuro nos ta argumenta cu for di e sitio ey…..bo tin bista riba e caya mas ‘druk’ di Aruba L.G. Smith Boulevard, bista riba e movicion den haf pa locual ta trata ‘Cruiseships’ y un bista riba e avionan cu ta circula cu meta pa baha na nos aeropuerto International di Aruba. E ta hopi cerca di e movecion comercial/turistico den centro di nos capital Oranjestad. Un miho sitio PPA no por imagina nos mes.
PPA kier accentua si cu dentro di nos planificacion despues cu Containerhaven worde muda pa Barcadera na prome lugar PPA ta mira necesario pa un inversion den nos haf di Crusero y e infra-structura pa esaki ! PPA ta pone accento riba ‘reserva’ un pida tereno grandi di e asina jama x Containerhaven/free zone pa e worde destina pa un posibel ‘Aruba World Trade Center’.
Nos meta cu un vision asina ta pa nos ‘Reach for the Stars’ y planta un semia cu lo bira un di ‘tres’ pilar economico pa Aruba. Despues di 30 anja di nos Status Aparte Aruba no a logra crea un pilar economico nobo y segun PPA un Aruba World Trade Center lo por bira un di tres pilar economico den futuro.
PPA ta acentua cu e actual gobierno/APA NV lo mester reserva e tereno aki pa un posibel projecto di un magnitud enorme manera un AWTC combina cu un Universidad y business hotels ….. No kabe duda cu e tereno menciona ta di hopi valor comercial/turistico hopi strategico y lo mester worde dedica na algo cu ta crea un valor agrega pa nos pueblo y generacionan cu lo sigui nos. E concepto di un AWTC ta ensera e.o. un parti destina pa un Universidad International cu e.o. facultad di Idioma y I.T. y un of dos ‘business hotels y tur otro facilidad cu un World Trade Center lo por ofrece na su clientela.
MAS IDEA PA E SITIO AKI …..?
Gobierno Mike Eman ta visualisa un inversion den e haf di Oranjestad cual ta worde destina pa modernisa e ‘haf pa crusero’ y su infra-structura. Gobierno su vision ta ensera cu un parti grandi di e tereno lo worde destina pa ‘inversion priva’ cual ta nifica comercio en general y esaki ta bao guia di APA NV cu ainda oficialmente ta encarga cu e tereno aki.
Dos partido a presenta nan vision pa e tereno aki cual PPA ta hanja na su lugar ……….y ta pas den un proceso democratico.
Ultimo siman RED a publica un idea cu nan tin…..esta un asina jama ‘Family Park’ pa cual principalmente nan bista ta riba e posibel x tereno di Bushiri Hotel y un parti di e Containerhaven. Cu nan derecho nan lo defende e beneficio pa nos pueblo di Aruba.
MEP tin un idea pa un ‘boutiquehotel combina cu beach publico’ na e sitio di x Bushiri Hotel mientras nan a anuncia cu nan lo presenta un idea dedica pa e tereno di x Containerhaven den futuro.
PPA entodo caso no a publica ainda nos vision pa e x Bushiri Hotel ….esaki ta worde discuti den seno di nos ‘ThinkTank’.
PPA kier accentua cu ta na su lugar cu kada partido presenta nan vision pa un sitio importante asina pa pueblo por huzga nan vision y projecto debidamente durante di eleccion. Awor cu siete casi ocho anja ta pasando e actual gobierno mester respeta e proceso democratico y no duna e tereno encuestion na ningun otro grupo di inversionista pero permiti pa partido politico y consecuentemente e futuro gobierno cu pueblo elehi formula su programa cu su vision debidamente.
PPA SU VISION PA UN ARUBA WORD TRADE CENTER …..
Ta basa riba riba varios argumento….

1. E vision aki tin como meta hiza e producto y nivel di nos pais !!
2. E sitio ta uno ‘dinamico y strategico’ y un bon vision pa e tereno aki lo por ‘diversifica’ y e projecto aki lo por duna un valor agrega na Aruba henter.
3. E vision ta basa riba un Aruba World Trade Center combina cu un Universidad Internacional cu e.o. facultad di Idioma y I.T. y combina cu un of dos ‘business hotels’.
4. E vision aki tin e meta pa planta un semia cu lo duna Aruba un di tres pilar economico.
5. E vision aki tin e meta pa contribui na e vision/curazon di PPA su programa pa Aruba bira cu tempo un HUB den Caribe y un ‘player’ economico mas importante.
6. E vision aki tin como meta pa crea un pilar economico cu lo ofrece cupo di trabao di nivel na nos studiantenan cu ta keda pega den exterior como cu Aruba no tin suficiente pilar economico etc……cu ta produci cupo di trabao professional.
7. E vision aki lo crea e posibilidad pa Aruba participa den e proceso di ‘InternationaL Trade’ etc…

E vision aki lo tuma su tempo y lo dura varios anja. Entre planificacion, negosiacion cu Word Trade Center International cu tin cierto regla cu Aruba lo mester studia, evalua y mira con lo mester negocia esaki y e vision aki ta basa riba un ‘public private partnership’ unda gobierno por ta un participante pero cu lo mester worde ‘pusha’ pa un grupo priva cu tambe ta kere den e dinamismo y e posibilidad cu Aruba lo por ofrece mundo comercial internacional.
E vision aki lo mester worde pusha pa un gobierno cu ta comprende e profundidad di un instancia asina cu ta kere aden y cu ta mira e necesidad di ‘diversificacion’ despues di casi 100 anja di un refineria cu awor ta na punto di worde transforma (downgraded) den un ‘Upgrader’ mientras cu Aruba tin desde decada 50/60 un pilar di turismo cu ta reparti den nos ‘stayover tourism’ y ‘cruise tourism’ ambos inicia pa PPA den decada cincuenta/sesenta.
Aruba tin 30 anja den nos status aparte y esnan cu tabatatin e ‘signatura’ a faya y no a presenta un vision/projecto cu lo por bira un semia pa un pilar economico di nos pais. PPA ta sinti e conviccion cu un AWTC combina cu un Universidad y posiblemente un of dos ‘business hotels’ lo por ofrece Aruba e di ‘tres’ pilar economico.
Segun PPA Aruba mester ‘reach for the stars’ cu e vision aki. PPA lo keda defende nos vision durante di e eleccion nos dilanti y PPA lo sigui duna mas informacion tocante nos vision.

Aruba, 5 di februari 2017 Lider Politico di PPA
BENNY NISBET