Kònsùl China Zhang Weixin a bishitá Presidente Parlamento 

Kònsùl China Zhang Weixin a bishitá Presidente Parlamento 
Resientemente e Kònsùl General di e Repúblika popular China sr. Zhang Weixin  a realisá un bishita di kortesía na e Presidente nobo di Parlamento sra. Gisélle Mc. William. 
Meta dje bishita aki tabata pa e dos funshonarionan aki sera konosí ku otro i deliberá riba algun punto di interes mutuo ku ta regardá e interesnan di nos pais i e repúblika di China.  
Durante e reunion ekstenso nan a toka e siguiente puntonan:
• e ròl di e Konsulado Chines pa e komunidat Chines na Kòrsou i tambe pa e komunidat di Kòrsou den su totalidat;
• e nesesidatnan di e komunidat Chines aki na Kòrsou;
• e benefisionan di e lasonan ekonómiko entre Kòrsou i China;
• desaroyonan rondó dje establesimentu di e kompania Guandong Zehrong aki na Kòrsou,
• i e posibilidatnan ku tin pa realisá interkambio di informashon enkuanto agrikultura i sistema di edukashon na China. 
Deskripshon di potrèt
Sr. Zhang Weixin Kònsùl General di e Repúblika Popular China aki na Kòrsou sra. Gisélle Mc. William Presidente di Parlamento di Kòrsou.