POLIS NO SA IDENTIDAT DI PERSONA KU OUTO A DAL MATA. KOMUNIKADO DI KUERPO POLISIAL KÒRSOU Título: Morto den tráfiko

KOMUNIKADO DI KUERPO POLISIAL KÒRSOU
039 / 2017
12 febrüari 2017

Título: Morto den tráfiko

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 11 di februari 2017, alrededor di 21.25’or, Sentral di polis a dirigí un patruya polisial riba Winston Churchillweg pa un aksidente kaminda outo a alkansa un peaton. Na yegada di e patruya nan a bin topa un hòmber drumi abou riba kaminda ku no tabata duna siñal di bida. For di un investigashon preliminar ku polis a realisá na e sitio, a sali na kla ku shofùr di un outo ku tabata kore riba e kaminda ariba menshoná den direkshon di Sta. Maria, net algun meter despues di e kusada ku Montserrat weg (ku ta keda na man robes) a alkansá un peaton ku a krusa kaya probalemente sin paga tinu. Dòkter di polis a presenta na e sitio i konstatá morto di e peaton aki kende su identifikashon te na e momentu aki no ta konosí pa polis. Departamento di Tráfiko ta kontinua ku e investigashon.