KOMUNIKADO DI KUERPO POLISIAL KÒRSOU Título: detenshon di un sospechoso

KOMUNIKADO DI KUERPO POLISIAL KÒRSOU
046 / 2017
15 febrüari 2017
Título: detenshon di un sospechoso
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Polis a detené un hòmber sospechoso pa intento di ladronisia na Ronde Klip na altura di un edifisio ku tabata un toko un tempu.

Djarason 15 di febrüari 2017 alrededor di 00.20 or, Sentral di Polis a dirigí un unidat di Montaña na un kas na Ronde Klip, pa un kaso di intento di ladronisia. For di un investigashon ku e agentenan a realisá na e sitio, habitante di e kas a deklará na polis ku un òf mas sospechoso a kita su koriente probablemente ku intenshon pa kometé un ladronisia na su kas. Na momento ku nan a mira e habitante nan kore bai i drenta den un mondi den serkanía. Siguiendo ku e investigashon, alrededor di 04.05 or, e agentenan a logra di detené un di e sospechosonan ku tabata skondé den e mondi. Ta trata di e hómber A.D. di 19 aña di edat, nasé na Kòrsou. E sospechoso a keda presentá dilanti di un fiskal ouksiliar ku a ordená su enkarselamentu pa mas investigashon.