Refuerso di team pa area krusero

Refuerso di team pa area krusero

Kralendijk (16 di febrüari 2017) – Turismo krusero di Boneiru a mira un subida grandi. I e temporada krusero di 2017 lo ta esun mas ekstenso ku Boneiru a yega di eksperensiá. Pa nos por ofrese servisio na tur nos bishitantenan, TCB mester di refuerso di e pueblo Boneriano. Pa e echo aki nos ta brinda e oportunidat pa nos hendenan lokal forma parti di e team di TCB den e funshon di kontroladó di trafiko. E persona aki lo ta responsabel pa regulá e vehikulonan ku ta drenta i opera den e area krusero. Tambe TCB ta buskando personanan ku lo por traha den e funshon di “Information Assistant” e personanan aki lo tin komo tarea duna informashon na turistanan.
Pa por aplika mester por papia ingles, spaño i hulandes ta un plus, por traha oranan fleksibel, mester ta amabel i servisial. Un sertifikado di guia turistiko ta un plus.
E persona aki lo traha solamente riba dianan ku tin barku krusero.
Pa mas informashon por tuma kontakto ku Marjolein Soleana na marjoleinsoleana@tourismbonaire.com òf na: 717-8322.