Orashon djadumingu 19 di febrüari 2017

Orashon djadumingu 19 di febrüari 2017

Boso a tende ku a bisa: “Wowo pa wowo, djente pa djente.” Ma Ami ta bisa boso: No pleita un kaso di inhustisia. Ken ku dal bo na banda drechi di bo kara, bira bo otro band’i kara i lag’é dal bo ei tambe. I si un hende hiba bo dilanti di korte pa e haña bo paña, lag’é bai ku bo mantel tambe. Si kualke hende fòrsa bo bai un mia kuné, bai dos. Esun ku pidi bo algu, dun’é i esun ku ke fia algu serka bo, fi’é. Boso a tende ku a bisa: “Stima bo próhimo i odia bo enemigu.” Ma Ami ta bisa boso: Stima boso enemigunan i resa pa esnan ku ta persiguí boso. E ora ei boso lo bira yu di boso Tata den shelu, pasobra E ta laga su solo sali tantu riba mal hende komo riba bon hende i ta laga awa kai tantu riba hende hustu komo riba hende inhustu. Pasobra si bo ta stima solamente esnan ku ta stima bo, kua rekompensa bo por spera e ora ei? E kobradónan di belasting n’ ta hasi meskos? I si ta bo ruman so bo ta kumindá, kiko spesial bo ta hasiendo? Akaso paganonan n’ ta hasi meskos? Sea perfekto antó, manera boso Tata den shelu.
Mateo 5:38‭-‬48 

​