Nos selekshon nashonal U-17 ta keda na segundo lugá durane e torneo amistoso internashonal di U-17 aya na Sürnam, komo preparashon pa e último buèlta di e weganan di kualifikashon pa mundial di FIFA U-17

Nos selekshon nashonal U-17 ta keda na segundo lugá durane e torneo amistoso internashonal di U-17 aya na Sürnam, komo preparashon pa e último buèlta di e weganan di kualifikashon pa mundial di FIFA U-17!

Djadumingu, 19 di febrüari 2017, nos selekshon U-17 a regresá for di Sürnam, despues di a partisipá na un torneo amistoso. E torneo aki ta parti di e preparashonnan pa e último buèlta di e weganan di kualifikashon pa mundial di FIFA U-17 ku lo tuma lugá na Panama den luna di aprel 2017. E torneo aki a tuma lugá di 12 pa 19 di febrüari I e paisnan ku a partisipá na e torneo aki tabata FC Twente, FC Utrecht, Sürnam i Kòrsou.
Durante nos promé enkuentro nos a sali viktorioso i a gana FC Twente ku e skor di 1-0, ku gol anotá pa Luchently Vrutaal. Despues den nos segundo enkuentro nos a kai vensí kontra e ekipo amfitrion, Sürnam, i a pèrdè ku e skor di 1-0. Durante nos último partido nos a empata na 2 gol ku e ekipo di FC Twente i e golnan a keda anotá pa Luchently Vrutaal ku Adriell Evertsz. Ku e resultadonan aki nos selekshon nashonal U-17 a terminá na segundo lugá di e torneo aki.
Resultado di weganan:
Fecha Orario Tim di kas Bishitante Resultado Lugá
1 13 feb 17 16:30 PM Kòrsou FC Twente 1-0 Essed Stadion (Sürnam)
2 18:30 PM Sürnam FC Utrecht 4-0
3 15 feb 17 16:30 PM FC Twente FC Utrecht 0-0
4 18:30 PM Sürnam Kòrsou 1-0
5 17 feb 17 16:30 PM Kòrsou FC Utrecht 2-2
6 18:30 PM Sürnam FC Twente 2-2

Tablda di Posishon:
1. Sürnam 5 punto
2. Kòrsou 4 punto
3. FC Utrecht 3 punto
4. FC Twente 2 punto
Nos selekshon nashonal di U-17 tabata konsistí di un grupo di 19 hungadó ku a wòrdu dirigí pa Sr. Ludwig Alberto ku ta e direktor tékniko di e selekshon aki i Sr. Reynold Mercera ku ta e asistente di e direktor tékniko. Tambe a biaha huntu ku e selekshon Sr. Roderick Roojer ku ta entrenadó di físiko i esun enkargá ku materialnan di nos selekshon, un masahista kual ta Sr. Clinton Leocadia i e hefe di delegashon ku ta Sr. Hubert Isenia, miembro di direktiva di FFK.

Nos selekshon a konsistí di e siguiente hungadónan;
1. Kevin Juliana
2. Danel Rosa
3. Quinton Burk
4. Alexander Suart
5. Quintin Rustveld
6. Roderick Bolijn
7. Sellfrine Pieters
8. Jared Tyrol
9. Rogier Bazoer
10. Richajier Oleana
11. Jonathan Libiana
12. Jordy Eleonora
13. Luchently Vrutaal
14. Daveraux Cicilia
15. Brayan Albertus
16. Sharrion Pietersz
17. Rogediën Kannegieter
18. Dichani Nicia
19. Adriell Evertsz

FFK i MCB kier a felisitá nos selekshon di U-17 pa e bon trabou ku nan a sa di hasi aya na Sürnam i kier a deseá nan tur klase di éksito den e último buèlta di e weganan pa kualifikashon pa mundial di FIFA U-17 ku lo tuma lugá na luna di aprel 2017 aya na Panama.