Departamentu di impuesto a pone beslag riba InselAir Aruba

Departamentu di impuesto a pone beslag riba InselAir Aruba

Departamentu di impuesto di Aruba a pone beslag riba tur kuenta bankario di InselAir Aruba. E informashon aki a keda konfirmá tantu pa gerensia di InselAir Aruba, komo e direktor di Departamentu di Impuesto. Motibu eksakto no ta konosí, pero a keda konfirmá si ku no ta relashoná ku e kaso ku a tuma lugá na desèmber ultimo, momentu ku trahadónan a hiba e kompania korte pa eksigí traspaso di pago di pensioen i  belasting atrasá. Abogado di e trahadónan a eksgí akshon mesora, pero huez a opta pa interes general i a duna InselAir mas espasio pa logra un areglo. Ainda no a keda kla ku esaki, pero CEO di InselAir a konfirmá di ta hibando kombersashon ku Servisio di Impuesto i ta spera di por regla e situashon aki.