L’essence

Willemstad, 19 februari 2017 – Djaluna dia 27 di febrüari próksimo, L’essence, un grupo vokal konsistiendo di solamente damas, lo tin nan konsierto riba Freewinds: “The 80’s music Festival”. Ku músika laif, di Freewindsband i NGN-Brass. L’essence…, avec Toi!
“Bin i rebibá añanan 80 ku nos. Retro music ku un toke moderno.” Asina L’essence ta invitá pueblo di Kòrsou. Ambiente ku klase! Esei ta loke e agrupashon vokal femenino aki ta propagá. Dushi músika, harmonia di bos, banda ku ‘hornsection’ i un lokalidat sublime! Tur esaki pa un preis barata, barata. Pasobra nos ke duna tur hende e oportunidat pa bin disfruta di e evento aki..
L’essence ta para pa inovashon i kresementu. P’esei awor porfin un grupo ekslusivamente femenino. L’essence su interpretenan ta entre 20 pa 50 aña. Pues tin variashon pa tur edat! Bin i skucha kansionnan di Chic, S.O.S band, Phil Collins, pero tambe Anita Baker, Celine Dion i Emily Sande djis pa nombra algun. Bin i sera konosí ku Ellen Wouters-Klok, Astrid Guerrero, Judith Goudberg, Natisa Finies i Gwendoline Worrell-Francisca. Komo artista invitá lo figurá e hoben dama ku bos di oro: Jennifer Grant. L’essence ta krea podio pa tur talento eksepshonal por bria i a skohe pa un artista invite ku kisas hopi di nos pueblo no konosé, pero ku a bira tempu pa henter Kòrsou sa di dje!
L’essence ta aspirá i inspirá un aura internashonal i ta un proyekto musikal bou di guia di e konosido kantante, kompositor i genio harmóniko Roy ‘Toni’ Worrell. Akompañamentu musikal lo ta na enkargo di Freewindsband i NGN-Brass. Pues nivel musika garantisá. Un evento ku bo no por pèrdè. Bini i invitá bo konosínan: Djaluna 27 di februari, 8.00 pa 10.00 or, abordo di Freewinds. Pa karchi i mas informashon, fabor yama 5282404, 6776497 o 4653582.