MINISTERIO PUBLIKO TA INFORMA
Info OM:
Awe Korte a trata e kaso di Ministerio Públiko (OM)di Kòrsou kontra e hòmbernan G.A.G. i S.S.T. di forma ‘pro-forma. Ámbos ta ser sospechá pa OM di asesinato di 3 persona dia 24 di yüli 2016 riba parkeerplaats di Campo Alegre. E anochi en kuestion Emerencia, Rosa i Leonard a pèrdè nan bida a konsekuensia di un tiramentu.
Wes a disidí awe ku e kaso lo keda trata atrobe pro-forma dia 31 di mei pa 2 or i ku kontenido dia 23 di yüni 2017 pa 11 or. Ainda polis tin ku hasi investigashon pa sera e kaso miéntras ku Wes-komisario tin ku skucha 4 testigu ainda.
Fiskal di Ministerio Públiko a deklará awe den Korte ku e no ta deskartá mas detenshon den e kaso aki promé ku tratamentu di e kaso ku kontenido.
