PAR ta kondena i repudiá tur tipo di agreshon físiko den Parlamento

PAR ta kondena i repudiá tur tipo di agreshon físiko den Parlamento.
Frakshon di Partido Alternativa Real (PAR) den Parlamento a tuma nota ku durante di un reunion públiko den Parlamento riba djaweps dia 23 di febrüari 2017 den oranan di atardi di un forma brutal i sin presedente parlamentario, sra. Jacintha Constancia(MFK), a agredí parlamentario, sra. Giselle MacWilliam (MAN), físikamente.
Frakshon di PAR ta kondena kategorikamente i energetikamente e suseso repudiabel aki.
Frakshon di PAR ta spera ku hustisia ta kana su kurso den e kaso aki.
Frakshon di PAR ta deseá sra. Giselle MacWilliam pronto rekuperashon i alabes ta deseá forsa na su famia.