Ta enkontrá un dama morto

Ta enkontrá un dama morto

Den marduga di djadumingu pa djaluna alrededor di 01.00 a tuma lugá un kaso di asesinato na Kaya Irma, Antriol Bonaire.

Na un apartamentu den e Kaya aki agentenan polisial a enkontrá un dama drumí den un plas di sanger ku un herida di bala na su kabes i no tabata duna señal di bida. Ta trata di e dama Carmen Campos (45).

For di un investigashon preliminar a enkontrá vehikulo di un hòmber ku tabata huntu ku e dama na momentu di e asesinato. 

A trata na enkontrá e arma ku a keda usá pa pone fin na bida di e dama aki, pero esaki no a keda enkontrá. Agentenan polisial a detené e hòmber L.C. komo sospechoso den e kaso aki. Alabes a tene entrada hudisial na kas di esposo di e dama, pero e dama tabata tin un temporada kaba ku e no ta biba na e kas aki na Amboina.

Investigashon ta kontinuá pa dedusí kiko eksaktamente a tuma lugá ku e dama. Tambe mester sali na kla kiko ta e relashon di e dama ku e sospechoso ku a keda detené. E tim di reshèrshi den e kaso aki no ta deskartá niun posibilidat.  

Forsa na famianan.