SPESIALISÁ I ENFOKÁ RIBA E AREA DI KRIMINALDAT HUBENIL: MINISTER DI HUSTISIA IMPRESHONÁ PA TRABOUNAN DI STICHTING AJJC

img_3952

SPESIALISÁ I ENFOKÁ RIBA E AREA DI KRIMINALDAT HUBENIL: MINISTER DI HUSTISIA IMPRESHONÁ PA TRABOUNAN DI STICHTING AJJC

Willemstad – Minister Ornelio “Kid” Martina, resientemente a hasi un bishitá na Stichting Ambulante Justitiële Jeugdzorg Curaçao (AJJC) pa asina sera konosí ku e organisashon i su trahadonan, i a keda realmente impreshoná pa e trabounan ku e fundashon a bin ta hasi den su tres añanan di eksistensia. Durante e reunion aki, direktora di AJJC, Sra. Mildred Francisca, huntu ku tres trahadó a duna un presentashon dinámiko i al kaso tokante e situashon aktual ku ta biba den nos komunidat pa loke ta trata kriminalidat bou di menornan entre 12 i 18 aña di edat. Minister Martina a risibí splikashon kon e trabounan di prevenshon i kombatimentu di kriminalidat bou di nos hóbennan ta bai den práktika i kiko tur ta nesesario pa AJJC por sigui hasi e trabou aki.

Stichting AJJC ta enkargá ku ehekshon di tres pilar sumamente importante ora ta trata kriminalidat bou di menornan di edat ku a kai den man di Hustisia i/òf ta kore riesgo di kai den kriminalidat. E tres pilarnan ta Jeugreclassering, GPS/HALT i tambe Veiligheidshuis. Den transkurso di e aña aki AJJC ta konta ku e pilar HALT lo por bini na vigor. Tambe AJJC a informá ku dia 12 i 13 di mei próksimo, lo organisá un konferensha dirigí na profeshonalnan pa elaborá mas tokante di prevenshon di kriminalidat bou di hóbennan ku ta kuadra ku e plan stratégiko di maneho di 2016 pa 2020.

Pa mas informashon di tur e desaroyonan rondó di Minister Kid Martina su akshonnan, bishitá e página di Facebook “Minister Kid Martina”.
img_3927

This site uses Akismet to reduce spam. Learn how your comment data is processed.

error: Content is protected !!
%d bloggers like this: