Dia internashonal di hende muhé
Dia internashonal di hende muhé
Willemstad – Hende muhé semper a hunga un rol klave den desaroyo di nos pais Kòrsou. Riba Dia Internashonal di hende muhé ta un bon momentu pa nos para ketu na e retonan, logronan pero tambe desepshonnan den kuadro di e lucha kontínuo ku hende muhé ta hiba pa logra igualdat di género.
Nashonnan uni pa 2017 ta pone atenshon na e hende muhé den e mundu laboral ku ta den un proseso di transformashon rápido i na aña 2030 huntu nos ke logra un planeta 50-50. Pues desigualdat den trabou den tur sentido. Komo ministerio ku ta enkargá ku Desaroyo Sosial i Labor e atenshon ta tambe riba transformashon ku ta tuma lugá den e mundu di labor tantu lokal komo global ku ta influensiá e hende muhé manera revolushon digital i teknológiko, trabounan den esfera informal, instabilidat di trabou i migrashon pareu ku e transformashon tin tambe nesesidat urgente pa formashon i edukashon di e hende muhé pa e por partisipá di un forma digno i igual den e proseso laboral.
E desaroyonan ariba menshoná ta eksigí di nos maneranan i métodonan diferente pa nos atendé ku enseñansa i merkado laboral for di e perspektiva di género. For di edukashon i enseñansa mester pone e fundeshi fuerte pa igualdat di género i traha riba eliminashon di diskriminashon di hende muhé.
Naturalmente tin mas área den Ministerio di Desaroyo Sosial, Labor i Bienestar ku tin nos atenshon. Na 2017 lo pone atenshon riba prevenshon di violensia doméstiko. Den e último añanan un komishon di gobièrnu i NGO a traha huntu pa yega na un maneho dirigí pa atendé ku violensia doméstiko.
Ministerio di Desaroyo Sosial Labor i Bienestar ta un ministerio ku mediante supsidio ta supsidiá trabou di hende muhé ehekutá dor di e.o Seda i Steering Committee Curaçao i tambe otro organisashonnan ku ta traha riba bienestar di e hende muhé maltratá i mucha muhé i mucha hòmber.
E kaminda pa yega na igualdat di género ta largu pero komo pais nos ta orguyoso di e lucha ku muhénan pionero den tur sektor i gremio a hiba ku awe nos yunan hòmber i muhé por ta orguyoso di nan. Mes momento nos mester rekonosé e lucha diario ku e hende muhé vulnerabel den nos komunidat tin ku hiba. Pa e motibu aki nos tin ku forma un kadena fuerte ku ta konsistí di hende muhé brasa brasa ku hende hòmber pa krea e ambiente i kondishonnan sano i sigur pa edifiká nos nashon.
Nos no ta un pais isolá den e lucha aki nos, nos relashon den reino, ku Karibe i internashonal pa motibu di tratadonan ta rigi kon nos mester sigui atendé ku e hende muhé i mucha muhé den nos sosiedat. Na novèmber 2016 Kòrsou a duna kuenta na Convention on Elimation on Discrimation against Women di e status di hende muhé i nos tin retonan grandi nos dilanti pa sigui ku kumplimentu di e tratado aki. Den e kuadro aki un maneho di género integral kargá pa tur ministerio lo ta un di e retonan di mas grandi pa e próksimo kuater aña.
Adrès pa bishitante: Tauber-building, Prinsenstraat # 86 | Adrès pa korespondensia: Wolkstraat #15 | Willemstad, Kòrsou T.: +(599) 9 434 0300 | F.: +(599) 9 461-0521 | http://www.gobiernu.cw
Mi ta deseá tur hende muhé un selebrashon di Dia Internashonal di hende muhé plasentero ku reflekshon i akshon pa asina huntu nos por marka progreso na bienestar di nos Kòrsou.
Minister K. Gijsbertha
————————————————————————————–
Eliminar todas las formas de violencia contra todas las mujeres y las niñas en los ámbitos público y privado, incluidas la trata y la explotación sexual y otros tipos de explotación Eliminar todas las prácticas nocivas, como el matrimonio infantil, precoz y forzado y la mutilación genital femenina.