GOBIERNU DI KORSOU A AKTIVA UN TIM MULTIDISIPLINARIO PA MONITORIA E SITUASHON DI TEMBLOR

GOBIERNU DI KORSOU A AKTIVA UN TIM MULTIDISIPLINARIO PA MONITORIA E SITUASHON DI TEMBLOR

Willemstad – Gobièrnu di Kòrsou ta informá ku 9 maart tabatin un temblor di magnitut 4.8 i ku 10 maart atrobe a registrá otro temblor di magnitut 5.5.

Debí na e suseso aki Gobièrnu a aktivá un tim multidisiplinario pa bini huntu ku Meteo pa evaluá e situashon i duna e rekomendashonnan nesesario.

Tur e dos susesonan a originá for di e mesun sitio ku ta den laman entre Venezuela i nos islanan.

Mester konsiderá ku e dos susesonan aki ta dos distinto i ku no ta trata aki di un “aftershock”. Konsiderando e magnitut aktual di e dos susesonan aki no ta premirá ku lo bini un aftershock i tampoko un posibilidat pa Tsunami. Pa den Karibe lo konsiderá un riesgo di Tsumami ora ta trata di un temblor di un magnitut di 7.1 òf mas haltu.

Basa riba e informashonnan aki Gobièrnu di Kòrsou ta informá nos komunidat ku no tin motibu pa aktivá e tim di kalamidat, pero e tim multidisiplinario si lo sigui monitoria e situashon.