CHARLA: MALESNAN di TRANSMISHON SEKSUAL, HIV i AIDS Djamars 14 di MART 2017 na Sentro di Bario Souax

CHARLA: MALESNAN di TRANSMISHON SEKSUAL, HIV i AIDS Djamars 14 di MART 2017 na Sentro di Bario Souax

Fundashon Pro Souax, Sentro Médiko Souax i Sentro di bario Souax ta anunsiá na habitante di barionan di Souax, Zegu, Ser’i Kandela, Gato i bisindario i tur otro interesado, ku djamars awor 18 di yüni lo tin otro interesante charla riba salú i kuido di salú. E luna aki, e tópiko ta: Malesanan di transmishon seksual, HIV i AIDS.
Durante e charla Dr.Oliva lo duna informashon tokante e malesa AIDS i e virus HIV i kiko ta e diferensia entre AIDS i HIV. E dòkter lo splika : e diferente formanan ku por transmití HIV i AIDS ; e señal i sintomanan di e malesa AIDS ; kon ta diagnostiká e malesa ; kua ta e opshonnan di tratamentu den kaso di un pashènt ku tin AIDS i kon pa prevení pa haña AIDS. Durante e charla aki dr. Oliva lo amplia tambe riba malesanan seksualmente transmití. E públiko lo tin amplio oportunidat pa hasi pregunta.

Charla riba salú i kon kuida bo salú
Tópiko :”MALESNAN di TRANSMISHON SEKSUAL, HIV AIDS”
Oradó : Dr. Octavio Oliva; dòkter di kas pa bario di Souax
Dia : Djamars 14 di MART 2017
Ora : Shet’or pa mitar di nuebe di anochi (19.00 – 20.30)
Lugá : Sentro di bario Souax
Entrada : GRATIS

This site uses Akismet to reduce spam. Learn how your comment data is processed.

error: Content is protected !!
%d bloggers like this: