Advertisements

Nos selekshon ta kla pa enfrentá El Salvador, mañan djarason 22 di mart durante un partido di fogeo komo preparashon pa e delaster buèlta di Scotiabank Caribbean Cup i Gold Cup 2017! E partido aki lo tuma lugá 8’or pm den Stadion Antoine Maduro.

Nos selekshon ta kla pa enfrentá El Salvador, mañan djarason 22 di mart durante un partido di fogeo komo preparashon pa e delaster buèlta di Scotiabank Caribbean Cup i Gold Cup 2017! E partido aki lo tuma lugá 8’or pm den Stadion Antoine Maduro.

Tur kos ta kla pa nos selekshon nashonal enfrentá El Salvador mañan, 22 di mart, 8’or di anochi den Stadion Antoine Maduro. Esaki lo ta nos promé wega di fogeo komo preparashon pa e delaster buèlta di Scotiabank Caribbean Cup tuma lugá na Martnique den luna di yüni i Gold Cup 2017 ku lo tuma lugá na Merka den luna di yüli.
Ayera den oranan di atardi mayoria di nos hungadónan residensiá den eksterior a pisa suela di Kòrsou i awe e sobra a yega pa asina djòin nos hugandónan lokal pa kontinuá ku e práktikanan intensivo pa e partido di mañan. Nos kontrinkante, e selekshon di El Salvador tambe a yega Kòrsou ayera den oranan di mèrdia i a kuminsá ku nan preparashonnan.
Aki ta sigui un biografia chikí di e hungadó nobo di nos selekshon nashonal.


Nòmber: Brandley Kuwas
Fecha di nasementu: 19 sèptèmber 1992
Ekipo: Heracles Almelo
Posishon: Mediokampo
Brandley Kuwas ta un hóben fubolista di 24 aña di edat, nasé na Hulanda (Hoorn) dia 19 di sèptèmber 1992. Su posishon preferí ta mediokampo i for di yüli 2016 e ta militá den e ekipo di divishon di honor, Herecles Almelo. Promé ku e ekipo ku e ta militá aden, ela forma parti di ekiponan manera, SVB Excelsior, FC Volendam i KFC den kual ela gana diferente kampionato i trofeo.

For di edat yòn Brandley a kuminsá práktika e deporte di futbòl i a militá den diferente ekipo hubenil. El militá den ekiponan manera; Hellas Sport, AZ I KFC 1910. Despues di a partisipá na e partido amistoso entre nos selekshon i Achilles’29 ku a tuma lugá resientemente aya na Hulanda, Brandley a kuminsá evaluá si e lo ke keda hunga pa nos selekshon òf forma parti di e selekshon di Hulanda. Pero despues di a tuma varios konseho entre otro di su mama kende ta un yu di Kòrsou, ela skohe pa forma parti di nos selekshon i representá nos dushi isla durante e partidonan importante ku tin na kaminda. Pues Brandley tambe ta kla pa enfrentá El Salvador mañan anochi durante e partido di fogeo aki.
Karchinan pa e partido aki lo ta optenibel solamente na FFK bou di ora di ofisina.
Dia di wega karchinan lo ta optenibel na e lokèt nan di Stadion Antoine Maduro.
E partido ta kuminsá 8’or di anochi pero portanan ta habri for di 5’or di atardi, yega trempan pa evitá e trafiko!

E preisnan pa e diferente sekshonnan ta lo siguiente:
• Sekshon A; Tribuna pariba di tribuna di honor ta Fl.50,-
• Sekshon B; Tribuna patras di golnan na lado di Maripampoen ta Fl.25,-
• Sekshon C; Tribuna patras di golnan na lado di Willemstad ta Fl.25,-
• Sekshon D; Tribuna pabou di tribuna di honor ta Fl.15,-
• Den e sekshon B i C (tribuna patras di golnan) mucha te ku 12 aña i 60+ ta paga Fl.15,-

E hungadónan di nos selekshon ku lo partisipá na e wega di fogeo aki ta lo siguiente;

1. Eloy Room
2. Reangelo Janga
3. Jeremy de Nooijer
4. Quintin Jacoba
5. Doriano Kortstam
6. Jurriën Gaari
7. Rhu-Endly Martina
8. Darryl Lachman
9. Gillian Justiana
10. Dustley Mulder
11. Shanon Carmelia
12. Ayrton Statie
13. Michaël Maria
14. Leandro Bacuna
15. Germaine Agustien
16. Brandley Kuwas
17. Elson Hooi
18. Jarchino Antonia
19. Gino van Kessel
20. Gevaro Nepomuceno
21. Felitsiano Zschusschen
22. Rowendy Sumter
23. Jarzinho Pieter
24. Ashar Bernardus
25. Jimbertson Vapor
26. Christopher Isenia

Un yamada ta bai na hinter e pueblo di Kòrsou pa bin na bòshi, bin disfrutá di un tremendo partido! Sali ku bo bandera di Kòrsou, bo t-shirt, bo shal, bin apoyá i sostené nos hungadónan komo e number 12!
Nos ta topa 22 di mart, 8:00 PM den Stadion Antoine Maduro!

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: