Kaso OM kontra Norbert George ta tra’i lomba

Info OM:
Kaso OM kontra Norbert George ta tra’i lomba
Korte a duna su veredikto djárason 22 di mart 2017 den e kaso di rektifikashon ku pais Kòrsou/Ministerio Públiko a entamá kontra sr. Norbert George den un kaso di rektifikashon. Wes a konsiderá den su veredikto ku ya kaba prensa a duna mas ku sufisiente atenshon na e hecho ku wes tabata di opinion ku no tabata tin base pa George su alegashon ku Ministerio Públiko ta paga periodista pa trese informashon den publisidat. Wes a opiná ku kasi niun hende, por lo ménos niun hende ku a sigui e kaso òf ku ta habri pa ophetividat, a base di e di e informenan riba Facebook di parti di George, por kere ku Ministerio Públiko ta paga periodista “pa saka informashon”.

Banda di esei tambe wes a konsiderá ku George a bisa durante tratamentu di e kaso dia 7 di mart 2017 ku, ounke el a bai tras di loke el a tende i a asumí, awor si ta sali for di e punto di bista ku Ministerio Públiko no ta hasí pago na periodistanan pa trese notisia den publisidat.

Ku esei, sigun wes, pais Korsou/Ministerio Públiko ya kaba a haña su rektifikashon ku e tabata boga i no tin motibu pa subi e ‘dwangsom’ manera OM a pidi. Na opinion di Korte, OM a haña kaba loke e tabata ke – i loke tabata hustifiká – esta ku loke wes a dikta i loke tambe George a trese dilanti ta ku Ministerio Públiko no ta paga periodista pa trese informashon den publisidat.

Ministerio Públiko ta di opinion ku e veredikto aki ku George su deklarashonnan tabata basa riba informashon inkorekto i ku esaki a keda establesé sufisiente i di e forma aki a keda rektifiká. Ku esaki Ministerio Públiko ta konsiderá e kaso aki trai lomba i kita fo’i man.

This site uses Akismet to reduce spam. Learn how your comment data is processed.

%d bloggers like this: