Tremendo Homenahe na Romeo Heije

Tremendo Homenahe na Romeo Heije

Djabièrnè 24 di mart próksimo Romeo Heije ta kumpli 67 aña di edat. Pa e okashon akí Fundashon Músika i Rèspèt den koperashon ku Stichting Nieuwsvriendje ta selebrá su kumpleaño ku un mini konsierto. E konsierto alabes ta un homenahe na Romeo Heije pa su karera komo e kantante di balada ku mas tantu kansion ku a bira hit.
E agrupashon musikal ku lo kompañá Romeo ta orkesta “Rèspèt” ku na mes momento lo hasi nan debut. E orkesta ta konta ku un sekshon di bras ku ta konsistí di seis supladó.
Durante e anochi diferente artista lo kompaña Romeo. Entre nan Mr. Saab, Melania van der Veen, Boy Thodé, Urvin Yano, Dennis Cicilia, Reinier Lijfrok i diferente otro mas. Rignald Recordino tambe lo forma parti di e konsierto.
Kas di Kultura ta invitá tur amante di músika romántiko pa bin balia i selebrá kumpleaño di Romeo Heije.
Fecha: djabièrnè 24 di mart
Ora: 7 or’ pa 11 or’ anochi
Lugá: Brionplein

This site uses Akismet to reduce spam. Learn how your comment data is processed.

error: Content is protected !!
%d bloggers like this: